ក្តៅៗ ជប៉ុន រកឃើញករណីដំបូងនៃវីរុសកូវីដបំប្លែងថ្មី Omicron (មានវីដេអូ)

នៅថ្ងៃអង្គារទី៣០ខែវិច្ឆិកានេះ ប្រទេសជប៉ុនបានបញ្ជាក់ពីករណីដំបូងនៃវីរុសកូវីដ១៩បំប្លែងខ្លួនឆ្លងសាហាវ Omicron។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពរដ្ឋាភិបាលបានឲ្យដឹងថា អ្នកការទូតសញ្ជាតិ ណាមីប៊ី ម្នាក់ក្នុងវ័យ៣០ឆ្នាំ ត្រូវបានគេរកឃើញថា ឆ្លងមេរោគនេះ បន្ទាប់ពីគាត់ធ្វើតេស្តវិជ្ជមាននៅឯអាកាសយានដ្ឋាន Narita ក្បែរទីក្រុងតូក្យូ នៅពេលគាត់មកដល់កាលពីថ្ងៃអាទិត្យ។

ក្នុងកិច្ចខិតខំប្រឹងប្រែងដើម្បីទប់ស្កាត់វីរុសបំប្លែងខ្លួន Omicron ពីការរីករាលដាលនៅក្នុងប្រទេសជប៉ុន រដ្ឋាភិបាលបានប្រកាសកាលពីថ្ងៃចន្ទថា ខ្លួននឹងហាមឃាត់អ្នកដំណើរបរទេសដែលចូលមកទាំងអស់ សម្រាប់រយៈពេលមួយខែ ដោយចាប់ផ្តើមពីថ្ងៃទី៣០ខែវិច្ឆិកានេះទៅ។

លោកនាយករដ្ឋមន្ត្រី Fumio Kishida បាននិយាយថា បម្រាមនេះ នឹងមិនប៉ះពាល់ដល់ជនជាតិជប៉ុន ឬជនបរទេសដែលត្រឡប់មកប្រទេសវិញនោះទេ។

ទោះបីជាយ៉ាងណាក៏ដោយ អ្នកវិលត្រឡប់មកពីប្រទេសដែលបានកំណត់ នឹងត្រូវដាក់ឲ្យនៅដាច់ដោយឡែកពីគេ នៅតាមទីតាំងដែលកំណត់ដោយរដ្ឋាភិបាល រយៈពេលពី៣ទៅ១០ថ្ងៃ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Japan Times