កីឡា
ស្ទើរមិនជឿ Pongsiri ដែលធ្លាប់អង្រួនសង្វៀនខ្មែរ សន្លប់ធំនៅ ONE កាលពីថ្ងៃសុក្រ
ជើងខ្លាំងមួយថៃ Pongsiri ដែលធ្លាប់មកអង្រួនសង្វៀនគុនខ្មែរ ក្នុងទីក្រុងភ្នំពេញ៣លើក បានសន្លប់ធំកាលពីថ្ងៃសុក្រ ទី២៦ ខែវិច្ឆិកា កន្លងទៅនេះ ក្រោមកណ្តាប់ដៃអុកពីកូថរបស់ជើងខ្លាំងរុស្ស៊ីក្នុងទឹកទី១។
កីឡាកររុស្ស៊ី Alaverdi Ramazanov បានវិលត្រឡប់មកកាន់សង្វៀនជាថ្មី បន្ទាប់ពីបាត់បង់ខ្សែក្រវាត់ឃីកបុកសីងពិភពលោក ONE Bantamweight កាលពីខែមករា ដោយជើងខ្លាំងភ្នែកតឹងថៃ Capitan។ ប៉ុន្តែការវិលមកកាន់សង្វៀនលើកនេះបង្កការភ្ញាក់ផ្អើលនៅពេលរូបគេផ្តូលជើងខ្លាំងថៃ Pongsiri ឲ្យសន្លប់ធំក្នុងទឹកទី១នៅសមរភូមិប្រយុទ្ធ ONE: NEXTGEN III ក្នុងប្រទេសសិង្ហបុរី។ គ្រាន់តែចាប់ផ្ដើមស្នូរជួង Pongsiri បានដើរសំដៅទៅកីឡាកររុស្សី និង ចូលវ៉ៃឥតឈប់ឈរ ដោយសាររូបគេដាក់គោលដៅលើជើងក្រោមរបស់ Ramazanov ដែលត្រូវបាន Capitan យកឈ្នះក្នុងទឹកទី២ដោយសារទាត់ជើងក្រោមឲ្យដើរលែងរួច។
នៅពេល Pongsiri ព្យាយាមសម្រុកចូលវ៉ៃបង្ខំឲ្យ Ramazanov ថយមួយៗ និងវាយបកយកវិញតាមបច្ចេកទេសរបស់ខ្លួន។ ពេលសិស្សគុនក្លិប PK.Saenchai Muaythaigym ដាក់ដៃការពារ “Babyface Killer” ក៏ចេញស្នៀត និង ទាត់ទប់ផងដែរ។ Pongsiri ព្យាយាមយ៉ាងលំបាកទៅកាន់ Ramazanov នៅនាទីដំបូង ដូច្នេះ គេព្យាយាមវ៉ៃចូលចង្ការបស់គូប្រកួតដែល តែងតែធាក់ទប់មិនឲ្យខ្លួនចូលជិត។
Pongsiri ដើរសំដៅ និងបន្តកៀរគូប្រកួតនៅលើសង្វៀន។ តារាថៃរងកណ្ដាប់ដៃ និង រងការទាត់ទប់ផងដែរ ប៉ុន្តែ Ramazanov នៅតែរក្សាភាពអំណត់ និង បោះកណ្ដាប់ដៃរឿយៗ។ ទីបំផុត Ramazanov អាចធ្វើបានពេលប្រើកណ្ដាប់ដៃអុកពីកូថពីក្រោមចង្ការបស់ Pongsiri ឲ្យដួលស្រឹប។
Pongsiri ដួលហើយ ប៉ុន្តែព្យាយាមងើបឈរវិញ។ ទោះព្យាយាមយ៉ាងណា គេមិនអាចងើបរួចឡើយ។ លោកអាជ្ញាកណ្ដាល Olivier Coste ក៏លើកដៃជាសញ្ញាមិនអាចបន្តការប្រកួតទៀតបានខណៈដែល ការប្រកួតនៅសល់ ២១ វិនាទីទៀតនៅទឹកទី១។
Ramazanov កើនកំណត់ត្រាឈ្នះ ៦២ ដង និងចាញ់ ៦ ដង និងស្ថិតនៅលំដាប់ទី៥ក្នុងនាមជាកីឡាករមួយថៃទម្ងន់ bantamweight។ គេក៏ជាបេក្ខភាពមួយឆ្ពោះទៅដណ្ដើមខ្សែក្រវាត់មួយថៃ ONE Bantamweight ពី Nong-O Gaiyanghadao ផងដែរ។
និយាយពី Pongsiri វិញ អ្នកគាំទ្រនៅស្រុកខ្មែរមួយចំនួន ប្រហែលជានៅចាំដែលរូបគេធ្លាប់មកប្រកួតនៅស្រុកខ្មែរពីរបីដងដែរ ប៉ុន្តែមិនសូវទទួលបានលទ្ធផលល្អប្រសើរឡើយ។ កាលពីឆ្នាំ២០១៩ កីឡាករថៃរូបនេះមកប្រកួតនៅភ្នំពេញលើកទី១ចាញ់ បឹត ខាំ ដោយពិន្ទុ លើកទី២ស្មើពិន្ទុ ឡុង សុភី និងលើកទី៣ត្រូវបាន ម៉ឹន សុភា ទាត់ឲ្យខូចជើងបោះបង់ចោលការប្រកួតក្នុងទឹកទី២៕
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
មន្ទីរអប់រំភ្នំពេញណែនាំឲ្យគ្រប់គ្រឹះស្ថានសិក្សារាយការណ៍ប្រចាំថ្ងៃពីវត្តមានរបស់គ្រូ-សិស្សក្នុងពិធីបុណ្យចូលឆ្នាំចិន
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ២២ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ១៤ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៤ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក