សន្តិសុខសង្គម

ឃាត់ខ្លួនជនសង្ស័យ៣នាក់ ករណីជិះម៉ូតូបុកនិងវាយលើសមត្ថកិច្ច

បានផុស

៣ years មុន

នៅ

ថ្ងៃព្រហស្បតិ៍ ២ ធ្នូ ២០២១

ដោយ

កម្លាំងប៉ុស្តិ៍នគរបាលរដ្ឋបាលស្ទឹង បានឃាត់ក្រុមជនសង្ស័យចំនួន៣នាក់ ក្នុងចំណោមបក្ខពួកចំនួន១២នាក់ដែលជិះម៉ូតូអូសជើង ជិះម៉ូតូបុកសមត្ថកិច្ច និងយកមួកការពារវាយមកលើសមត្ថកិច្ចបណ្តាលឲ្យរងរបួស។ ការឃាត់នេះបានធ្វើឡើងកាលពីវេលាម៉ោង១០និង៤៥នាទីយប់ ថ្ងៃទី០១ ខែធ្នូ ឆ្នាំ២០២១ នៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមាន ទី១-ឈ្មោះ ឌុល សុខលាភ ភេទប្រុស អាយុ៣១ឆ្នាំ ទីលំនៅបច្ចុប្បន្នរស់នៅភូមិអូរម៉ានី ឃុំតាកុក ស្រុកសង្កែ ខេត្តបាត់ដំបង។ ទី២-ឈ្មោះ ទូច ដេវីត ភេទប្រុស អាយុ២៦ឆ្នាំ ទីលំនៅបច្ចុប្បន្ននៅភូមិអូរម៉ានី ឃុំសំរោង ស្រុកឯកភ្នំ ខេត្តបាត់ដំបង។ ទី៣-ឈ្មោះ បន ពឡុត ភេទប្រុស អាយុ២០ឆ្នាំ ទីលំនៅបច្ចុប្បន្នរស់នៅភូមិបរតាំងស៊ូ សង្កាត់បរយ៉ាខា ក្រុងប៉ៃលិនខេត្តប៉ៃលិន និងបក្ខពួកចំនួន៣ម៉ូតូមានគ្នាចំនួន០៩នាក់ទៀតបានគេចខ្លួនបាត់។

ក្រោយឃាត់ខ្លួនសមត្ថកិច្ចបានដកហូតម៉ូតូចំនួន០២គ្រឿង ម៉ាក Honda dream ផលិតឆ្នាំ២០២០ ពាក់ស្លាកលេខ ប៉ៃលិន 1C-7387 និងម៉ាក scoopy ពណ៌ក្រហម ពាក់ស្លាកលេខ បាត់ដំបង 1AQ-3131។

ជនសង្ស័យទាំង៣នាក់ ត្រូវបានឃាត់ខ្លួននៅអធិការដ្ឋាននគរបាលស្រុកសាលាក្រៅ ដើម្បីចាត់ការទៅតាមនីតិវិធីនៃច្បាប់ ចំណែកជនសង្ស័យដែលគេចខ្លួនកម្លាំងសមត្ថកិច្ចកំពុងស៊ើបអង្កេតបន្ត ៕

Related Topics:ករណីហិង្សា