ព័ត៌មានជាតិ
កងទ័ពជើងគោក ប្រកាសគាំទ្រលោក ហ៊ុន ម៉ាណែត ជាបេក្ខភាពនាយករដ្ឋមន្ត្រី
លោកឧត្តមសេនីយ៍ឯក ហ៊ុន ម៉ាណែត ដែលបច្ចុប្បន្នជាអគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងទ័ពជើងគោក ត្រូវបានសម្តេចតេជោ ហ៊ុន សែន ប្រកាសជាសាធារណៈថា ជាបេក្ខភាពនាយករដ្ឋមន្ត្រីរបស់កម្ពុជានាពេលអនាគតតាមរយៈការបោះឆ្នោត ក្រោយពីការប្រកាសនេះ មានថ្នាក់ដឹកនាំ មន្ត្រីរាជការ តាមក្រសួង ស្ថាប័ន កងយោធពលខេមរភូមិន្ទ និងនគរបាលជាដើម បានចេញមកប្រកាសគាំទ្រយ៉ាងគគ្រឹកគគ្រេង។
ចំណែកកងទ័ពជើងគោក ក៏បានប្រកាសគាំទ្រផងដែរ ដោយអះអាងថា លោកជាមេបញ្ជាការដ៏ល្អ និងជាឥស្សរជនឆ្នើមវ័យក្មេង មានចំណេះដឹងខ្ពង់ខ្ពស់ ពោរពេញដោយសមត្ថភាព និងទេពកោសល្យ ព្រមទាំងមានគុណធម៌ សីលធម៌ ដោយទទួលបានការកោតសរសើរ និងការគោរពស្រលាញ់ពីសំណាក់ប្រជាជនគ្រប់ ស្រទាប់វណ្ណៈ ទាំងក្នុង និងក្រៅប្រទេស នេះបើតាមញត្តិគាំទ្រចុះថ្ងៃទី០៣ ខែធ្នូ ឆ្នាំ២០២១។
ញត្តិគាំទ្ររបស់កងទ័ពជើងគោកបានបញ្ជាក់ថា “…សូមប្រកាសគាំទ្រយ៉ាងពេញទំហឹងនូវប្រសាសន៍ដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីសម្ពោធហេដ្ឋារចនាសម្ព័ន្ធផ្លូវ ស្ថានីយប្រព្រឹត្ត កម្មទឹកកខ្វក់ និងសមិទ្ធផលនានាក្នុងខេត្តព្រះសីហនុ នាព្រឹកថ្ងៃទី០២ ខែធ្នូ ឆ្នាំ២០២១ ដែលប្រកាសគាំទ្រ ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រីក្នុងពេលអនាគត តាមរយៈការបោះឆ្នោត”។
បើតាមញត្តិគាំទ្រនោះអះអាងថា លោកឧត្តមសេនីយ៍ឯក ហ៊ុន ម៉ាណែត គឺជាមេបញ្ជាការដ៏ល្អ និងជាឥស្សរជនឆ្នើមវ័យក្មេង មានចំណេះដឹងខ្ពង់ខ្ពស់ ពោរពេញដោយសមត្ថភាព និងទេពកោសល្យ ព្រមទាំងមានគុណធម៌ សីលធម៌ ដោយទទួលបានការកោតសរសើរ និងការគោរពស្រលាញ់ពីសំណាក់ប្រជាជនគ្រប់ ស្រទាប់វណ្ណៈ ទាំងក្នុង និងក្រៅប្រទេស មន្ត្រីរាជការ និងកងកម្លាំងប្រដាប់អាវុធគ្រប់ប្រភេទ ជាពិសេសលោកមិនត្រឹមតែដឹកនាំកងទ័ពជើងគោក មានការរីកចម្រើនរឹងមាំប៉ុណ្ណោះទេ ប៉ុន្តែក៏បានដឹកនាំកងទ័ពអាវស រួមជាមួយលោកស្រី ពេជ ចន្ទមុន្នី ក្នុងការប្រយុទ្ធប្រឆាំង នឹងជំងឺកូវីដ-១៩ បានយ៉ាងជោគជ័យ ដោយទទួលបានការកោតសរសើរ និងសាទរពីសំណាក់ ប្រជាជននៅទូទាំងប្រទេស។
ញត្តិគាំទ្រមានជំនឿយ៉ាងមុតមាំថា លោក ហ៊ុន ម៉ាណែត ពិតជាមានលក្ខណៈសម្បត្តិ និងគុណសម្បត្តិស័ក្ដិសមជាអនាគតនាយករដ្ឋមន្ត្រីកម្ពុជា ដើម្បីបន្តវេនដឹកនាំ បន្តការពាររបបរាជានិយម ការពារបូរណភាពទឹកដី សន្តិភាព ស្ថិរភាព នយោបាយ កំណើនសេដ្ឋកិច្ច ការលើកកម្ពស់កិត្យានុភាពជាតិ និងការអភិវឌ្ឍជាតិ ប្រកបដោយនិរន្តរភាព ដើម្បីវិបុលភាព សេចក្តីសុខ និងសុភមង្គលរបស់ប្រជាជនកម្ពុជា៕
ដោយ ៖ កោះកែវ
ខេត្តបន្ទាយមានជ័យ និងក្រសួងសន្តិសុខសាធារណៈចិន សន្យាសហការគ្នាបំបែកទីតាំងឧក្រិដ្ឋកម្ម និងអំពើឆបោកឱ្យអស់
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
ក្រសួងការងារ ៖ សមភាពរវាងបុរស និងស្ត្រី ជាកិច្ចការស្នូលគោលនយោបាយរាជរដ្ឋាភិបាលកម្ពុជា
សម្តេចតេជោ ហ៊ុន សែន “អត់ធ្មត់ អត់ធ្មត់ និងអត់ធ្មត់ នេះជាមេរៀនរបស់ខ្ញុំ ក្នុងវ័យ៣៧ ឆ្នាំ”
បុណ្យសពលោក ប៉ែន ច័ន្ទសិទ្ធ រៀបចំធ្វើនៅ វត្តតាំងក្រសាំងខាងជើង រាជធានីភ្នំពេញ
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង
ពលរដ្ឋចោទជនជាតិចិនមួយក្រុមនៅក្រុមហ៊ុនចម្ការចេកខេត្តក្រចេះ បាញ់សត្វគោក្របីអ្នកស្រុកលេីកដាក់ឡានយ៉ាងអានាធិបតេយ្យ
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
-
ព័ត៌មានអន្ដរជាតិ៦ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៧ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
សន្តិសុខសង្គម៤ ម៉ោង agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៩ ម៉ោង agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ព័ត៌មានអន្ដរជាតិ១ សប្តាហ៍ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៧ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ