Connect with us

ព័ត៌មានជាតិ

មន្ទីរសុខាភិបាលភ្នំពេញ បានត្រៀមខ្លួន​ជាស្រេច​ក្នុងការទប់ទល់​ជំងឺកូវីដបំប្លែងខ្លួន​អូមីក្រុង

បានផុស

នៅ

លោកវេជ្ជបណ្ឌិត ងី មានហេង  ប្រធានមន្ទីរសុខាភិបាលរាជធានីភ្នំពេញ បានមានប្រសាសន៍ នៅថ្ងៃទី០៥ធ្នូនេះថា បើទោះបីជាជំងឺកូវីដ១៩ បំប្លែងខ្លួនថ្មី បានមកដល់ប្រទេសម៉ាឡេស៊ី ដែលស្ថិតនៅតំបន់អាស៊ានក៏ដោយ ក៏មន្ទីរសុខាភិបាលបានត្រៀមលក្ខណៈរួចរាល់ហើយដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតបានបន្តថា ដោយសារកន្លែងព្យាបាល នៅសល់ទំនេរច្រើនដូចនេះ យើងមិនចាំបាច់ត្រៀមទៀតទេ ព្រោះរហូតមកដល់ពេលនេះ នៅមិនទាន់បញ្ជាក់ថា ជំងឺនេះមានការចម្លងរបៀបណានៅឡើយទេ។

លោកវេជ្ជបណ្ឌិត ថ្លែងដូច្នេះ «ខ្ញុំចង់បញ្ជាក់ថា អង្គការសុខភាពពិភពលោករហូតមកដល់ថ្ងៃទី០៥ធ្នូឆ្នាំ២០២១នេះ គឺមិនទាន់បានរកឃើញសញ្ញាណាមួយថា អូមីក្រុងបង្កជំងឺបណ្តាលឱ្យគ្រោះថ្នាក់ធ្ងន់ធ្ងរជាងជំងឺដែលតាមទេ។ មានន័យថា លក្ខណៈរបស់វាប្រហាក់ប្រហែលទៅនឹងដែលតាដែរ មិនមានអីគួរឱ្យប្រកាសអាសន្នទេ។ អីចឹងការព្យាបាលដូចជំងឺដែលតាទាំងអស់»។

ទោះជាយ៉ាងនេះក្តី រដ្ឋមន្ត្រីក្រសួងសុខាភិបាល បានអំពាវនាវដល់ប្រជាពលរដ្ឋមានការប្រុងប្រយ័ត្នខ្ពស់ចំពោះវីរុសកូវីដ-១៩ ឈោ្មះ អូមីក្រុងដែលជាប្រភេទវីរុសបំប្លែងថ្មី មានការចម្លងលឿន និងកំពុងឆ្លងរាលដាលតាមបណ្តាប្រទេសមួយចំនួននៅលើពិភពលោក។

លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអំពាវនាវ និងក្រើនរំលឹកដល់បងប្អូនប្រជាពលរដ្ឋទាំងអស់បន្តអនុវត្តវិធានការសំខាន់ៗ ជាពិសេសសូមបន្តអនុវត្តវិធានការ៣ការពារ និង៣កុំ ឱ្យបានហ្មត់ចត់ ដើម្បីកាត់បន្ថយហានិភ័យនៃការឆ្លងវីរុសកូវីដ-១៩ រួមទាំងអនុវត្តវិធានការសុខភាពសាធារណៈ សង្គមចាំបាច់នានាដូចជា ការពាក់ម៉ាស់ឱ្យបានត្រឹមត្រូវ អនាម័យដៃដោយលាងសម្អាតញឹកញាប់ ការរក្សាគម្លាតសុវត្ថិភាពបុគ្គល ១,៥ម៉ែត្រឡើង ការកែលម្អខ្យល់ចេញចូលនៃទីធ្លាក្នុងផ្ទះ ឬទីតាំងការងារ ឬទីតាំងប្រកបរបររកទទួលទាន ជៀសវាងកន្លែងមានមនុស្សច្រើនកន្លែងដែលបិទជិតគ្មានខ្យល់ចេញចូល និងទទួលចាក់ថ្នាំបង្ការជំងឺកូដ-១៩ ឱ្យបានគ្រប់ដួសមូលដ្ឋានទាំងអស់គ្នា។

លោករដ្ឋមន្ត្រីបានបន្ថែមថា ពលរដ្ឋ ត្រូវរាយការណ៍ជូនអាជ្ញាធរមូលដ្ឋាន ឬគ្រូពេទ្យដែលនៅជិតលោកអ្នក អំពីករណីសង្ស័យណាមួយដែលពាក់ព័ន្ធទៅនឹងភាពខុសប្លែកធម្មតានៃរោគសញ្ញា ឬជំងឺ និងត្រូវនៅដាច់ដោយឡែកដើម្បីកុំឱ្យមានការចម្លងបន្ត ទៅអ្នកដែលនៅជិតខ្លួនឬក្រុមគ្រួសារ។

លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានស្នើឱ្យក្រុមការងារឆ្លើយតបបន្ទាន់ក្នុងករណីមានអ្នកជំងឺ និងស្លាប់កើនឡើងភ្លាមៗ សូមធ្វើការឲ្យលឿន និងយកសំណាកទៅវិភាគនៅម៉ាស៊ីន PCR។ ចំពោះមន្ត្រីតាមព្រំដែនទឹក គោកនិងអាកាសពេលរកឃើញមានវិជ្ជមានដោយតេស្តរហ័សក៏ធ្វើដូចគ្នាដែរ ដើម្បីទប់ស្កាត់អោយបានទាន់ពេលវេលាប្រសិនបើមានមេរោគបំប្លែងខ្លួនថ្មីនៅក្នុងប្រទេសកម្ពុជា ។

គួរបញ្ជាក់ថា វីរុសកូវីដ១៩ បំប្លែងថ្មី ប្រភេទ B1-1-529 ត្រូវបានរកឃើញដំបូងនៅប្រទេសបុតស្វាណា (Botswana) នៃទ្វីបអាហ្វ្រិក និងបានបន្តរាលដាលទៅដល់ប្រទេសមួយចំនួនទៀត នៅលើពិភពលោក៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទីutes មុន

រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង

ទីវ តារារិទ្ធ
ជីវិតកម្សាន្ដ២១ នាទីutes មុន

មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន

កីឡា២៣ នាទីutes មុន

ព្រះ​ខ័ន​រាជ​ស្វាយរៀង​នាំ​ចូលប្រយុទ្ធថ្មី Caetano ត្រៀមពាន​អាស៊ី

សន្តិសុខសង្គម២៣ នាទីutes មុន

កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត

ព័ត៌មានអន្ដរជាតិ៣១ នាទីutes មុន

​រដ្ឋមន្ត្រី​ការពារជាតិ​អាមេរិក​ច្រានចោលការរិះគន់​ដែល​ថា​ រដ្ឋបាល​ត្រាំ​​ក្បត់​សម្ព័ន្ធ​មិត្ត​​​​

ងួន ចាន់ដាវិត
ជីវិតកម្សាន្ដ៧ ម៉ោង មុន

G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ

បច្ចេកវិទ្យា៧ ម៉ោង មុន

ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ

ព័ត៌មានជាតិ២១ ម៉ោង មុន

អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន

ព័ត៌មានជាតិ៧ ម៉ោង មុន

អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល

ព័ត៌មានអន្ដរជាតិ១០ ម៉ោង មុន

ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!

Sokha Hotels

ព័ត៌មានពេញនិយម