សុខភាព

ដឹងប៉ុន្មានចំណុចនេះ អ្នកចូលចិត្តម្ទេស ច្បាស់ជាសប្បាយចិត្តវិញហើយ

បានផុស

៣ years មុន

នៅ

ថ្ងៃចន្ទ ៦ ធ្នូ ២០២១

ដោយ

Sonya

អាហារហឹរមានលាក់អាថ៌កំបាំងច្រើន គ្នាភាគច្រើនចង់ដឹង។ អ្នកខ្លះថាអ៊ីចេះ អ្នកខ្លះថាអ៊ីចុះ! ប៉ុន្តែការពិត មនុស្សភាគតិចណាស់ដែលដឹងច្បាស់ពីអាហារហឹរ ពិសេសម្ទេសស្រស់យើង។ តាមការស្រាវជ្រាវជាច្រើន ម្ទេស ឬអាហារហឹរ ពិតជាមានគុណប្រយោជន៍ច្រើនចំពោះសុខភាព។

១- សម្រក់ទម្ងន់

Love spicy food? Too bad, eating lots of chillies can lead to memory loss & dementia, researchers say | TRP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារហឹរ ដូចជាទឹកម្ទេស ឬប្រភេទអាហារផ្សេងៗទៀត សុទ្ធតែអាចជួយឲ្យផែនការសម្រកទម្ងន់យើងឲ្យសម្រេចបានជោគជ័យ ពិសេសអាចជួយជំរុញការធ្វើមេតាប៉ូលីសក្នុងរាងកាយកាន់តែខ្លាំងឡើង។ យោងតាមភស្តុតាងក្នុងការសិក្សាកន្លងមក ម្ទេស ឬអាហារហឹរ អាចជំរុញឲ្យរាងកាយយើង ដុតកាឡារីបានឡើងលឿនស្ទើរតែមិនគួរឲ្យជឿ។

២- បេះដូងមានសុខភាពល្អ

ការសិក្សាមួយចំនួនអះអាងថា ទម្លាប់ញ៉ាំអាហារហឹរ ជួយយើងកាត់បន្ថយអត្រាប្រឈមជំងឺគាំងបេះដូង និងដាច់សរសៃឈាមខួរក្បាល ឲ្យធ្លាក់មកត្រឹមកម្រិតទាបបំផុត។ ហេតុផលចម្បងគឺថា ម្ទេស ឬម្រេច អាចកាត់បន្ថយ និងបំផ្លាញជាតិខ្លាញ់អាក្រក់ក្នុងសរសៃឈាម LDL ខណៈសារធាតុ Capsaicin មានក្នុងអាហារហឹរទាំងនេះ អាចប្រយុទ្ធប្រឆាំងទៅនឹងការរលាក ដែលជាមូលហេតុមួយបង្កឲ្យមានបញ្ហាបេះដូង។

៣- ការពារជំងឺមហារីក

Can I Eat Spicy Foods While Pregnant? | Mom.com

យោងតាមសមាគមស្រាវជ្រាវជំងឺមហារីកអាមេរិក ជាតិ Capsaicin ក្នុងមេ្ទស ឬម្រេច គឺមានសមត្ថភាពបំផ្លាញកោសិកាមហារីកមួយចំនួនបាន ក៏ដូចជាមហារីកគោលិកាឈាមសLeukemic Cancer។ គ្រឿងទេសផ្សំក្នុងអាហារហឹរ ដូចជារមៀត ដែលមានក្នុងទឹកជ្រលក់ ឬម្សៅ សុទ្ធតែអាចមានលទ្ធភាពពន្យឺតការរីករាលដាលកោសិកាមហារីកបាន វាដូចគ្នាទៅនឹងសកម្មភាពរបស់ថ្នាំប្រឆាំងមហារីកអ៊ីចឹងដែរ។ នេះជាការអះអាងរបស់សាស្ត្រាចារ្យ Gregory A. Plotnikoff ទីប្រឹក្សាជាន់ខ្ពស់ ផ្នែកថែទាំសុខភាពនៃមន្ទីរពេទ្យ Allina រដ្ឋ Minnesota សហរដ្ឋអាមេរិក។ ការលាយម្រេច ជាមួយរមៀត អាចធ្វើឲ្យគុណភាពរមៀតកើតឡើង ២០០០% ហើយស័ក្តិសមសម្រាប់ ញ៉ាំជាមួយអាហារ ដូចជាបបរ ឬស៊ុប។

៤- កាត់បន្ថយសម្ពាធឈាន

វីតាមីន A និង C អាចជួយពង្រឹងជញ្ជាំងសាច់ដុំបេះដូង ខណៈជាតិក្តៅរបស់ម្រេច និងម្ទេស ជាមួយលំហូរឈាមក្នុងរាងកាយរត់បានស្រួល។ មានន័យថា ម្ទេស ឬម្រេច ជួយឲ្យប្រព័ន្ធសរសៃឈាមបេះដូង កាន់តែរឹងមាំ។

៥- ជួយឲ្យអារម្មណ៍ល្អ

អាហារហឹរ អាចជួយជំរុញអ័រម៉ូនធ្វើឲ្យយើងមានអារម្មណ៍ល្អ ដូចជាអ័រម៉ូនសេរ៉ូតូនីន។ ហេតុផលនេះ គឺគ្រប់គ្រាន់ឲ្យយើងជឿថា ម្ទេស ឬម្រេច អាចជួយកាត់បន្ថយបញ្ហាបាក់ទឹកចិត្ត និងស្ត្រេសយ៉ាងមានប្រសិទ្ធភាព។

ទោះជាយ៉ាងណា គ្នាយើងត្រូវចាំថា គ្មានអ្វីមានតែគុណសម្បត្តិ និងគ្មានគុណវិបត្តិនោះឡើយ ហេតុនេះ ទម្លាប់ញ៉ាំម្ទេស ឬអាហារហឹរផ្សេង គួរញ៉ាំក្នុងកម្រិតល្មមបានហើយ ដើម្បីចៀសវាងបញ្ហាសុខភាពផ្សេងៗ ពិសេសបញ្ហាក្រពះ និងពោះវៀន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការសិក្សា៖ ញ៉ាំម្ទេសរាល់ថ្ងៃ ជួយឲ្យមនុស្សយើងមានអាយុវែង

ចុចអាន៖ ហូបហឹរទោះផ្ដល់ឱជារសឆ្ងាញ់ តែបង្កហានិភ័យដល់សុខភាពធ្ងន់ធ្ងរមិនធម្មតា

Related Topics:ម្ទេស