ព័ត៌មានអន្ដរជាតិ

ថៃ ប្រកាសលែងឲ្យលក់គ្រឿងស្រវឹងគ្រប់រូបភាពលើប្រព័ន្ធអនឡាញ

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

ចាប់ពីថ្ងៃច័ន្ទ ទី៧ ខែធ្នូ ឆ្នាំ២០២០នេះ រដ្ឋាភិបាលថៃ សម្រេចចេញបម្រាមថ្មី មិនអនុញ្ញាតឲ្យមានការលក់ដូរគ្រឿងស្រវឹងលើប្រព័ន្ធអនឡាញនោះឡើយ ដោយអ្នករំលោភបម្រាមថ្មីនេះ នឹងត្រូវពិន័យជាប្រាក់ ក៏ដូចជាជាប់ពន្ធនាគារទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Niphon Chinanonwet អគ្គនាយកនៃការិយាល័យគណៈកម្មាធិការគ្រប់គ្រងភេសជ្ជៈមានជាតិអាល់កុល បានអះអាងថា ចាប់ពីថ្ងៃច័ន្ទនេះ តាមរយៈការអនុម័តពីខុទ្ទកាល័យនាយករដ្ឋមន្ត្រី គឺមិនឲ្យមានការលក់ដូរគ្រឿងស្រវឹងតាមអនឡាញទៀតឡើយ ដោយនេះជាការឆ្លើយតបទៅនឹងកំណើនយ៉ាងគំហុគនៃការឃោសនាលក់ផលិតផលគ្រឿងស្រវឹងតាមអនឡាញ ទាំងក្រុមហ៊ុនតូច ទាំងក្រុមហ៊ុនធំ។

គ្រប់បណ្តាញសង្គម វេបសាយ ហ្វេសបុក និង Line ទូទាំងប្រទេសថៃ សុទ្ធតែមកអនុញ្ញាតឲ្យបន្តលក់ដូរគ្រឿងស្រវឹងតទៅទៀតទេ ហើយបើតាមលោកវរសេនីយ Siriwat Deepor អ្នកនាំពាក្យខុទ្ទកាល័យប៉ូលិសថៃ អ្នកប្រឆាំងបម្រាមនេះ ត្រូវប្រឈមពិន័យជាប្រាក់ដល់ទៅ ១ម៉ឺនបាត និងជាប់ពន្ធនាគារដល់ទៅ ៦ខែ៕

ប្រែសម្រួល៖ សុភា
ប្រភព៖ Bangkok Post