ព័ត៌មានជាតិ

ពលរដ្ឋជួបការលំបាក២គ្រួសារ ទទួលអំណោយដ៏ថ្លៃថ្លារបស់លោក ហ៊ុន ម៉ាណែត និងភរិយា

បានផុស

៣ years មុន

នៅ

ថ្ងៃអង្គារ ១៤ ធ្នូ ២០២១

ដោយ

បន្ទាយមានជ័យ ៖ លោក វរសេនីយ៍ត្រី គង់ សារ៉ុម មេបញ្ជាការវរសេនាតូចថ្មើរជើងលេខ៥១៣ កាលពីថ្ងៃទី១២ ខែធ្នូ ឆ្នាំ២០២១ បានដឹកនាំក្រុមការងារនាំយកអំណោយសម្ភារគ្រឿងឧបភោគបរិភោគ ដែលជាអំណោយរបស់លោក ហ៊ុន ម៉ាណែត និងភរិយា ដែលផ្តល់ជូនប្រជាពលរដ្ឋជួបការលំបាកចំនួន២គ្រួសារ ចាស់ជរាគ្មានទីពឹង និងមានជម្ងឺវះកាត់តម្រងនោម ស្ថិតនៅភូមិថ្មសិន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា ស្របពេលនៅក្នុងស្ថានភាពជំងឺកូវីដ-១៩ ប្រជាពលរដ្ឋមួយចំនួនពិតជាជួបការលំបាក ដែលត្រូវការអាជ្ញាធរមូលដ្ឋាន និងកម្លាំងប្រដាប់អាវុធ រួមគ្នាជួយដោះស្រាយបញ្ហាជូនប្រជាពលរដ្ឋតាមលទ្ធភាពជាក់ស្ដែង។ ទន្ទឹមនិងនោះផងដែរ ដោយមានការយកចិត្តទុកដាក់ពីសំណាក់លោកឧត្តមសេនីយ៍ឯក ហ៊ុន ម៉ាណែត អគ្គបញ្ជាការរងកងយោធពលខេមរភូមិន្ទ មេបញ្ជាការកងទ័ពជើងគោក បានផ្តល់អំណោយជាសម្ភារ គ្រឿងឧបភោគបរិភោគ សម្រាប់កងកម្លាំងកងពលតូចថ្មើរជើងលេខ៥១ ដើម្បីត្រៀមសម្រាប់ចុះជួយប្រជាពលរដ្ឋជួបការលំបាកក្នុងភូមិសាស្ត្រទទួលខុសត្រូវ៕

ដោយ ៖ កោះកែវ