ចរាចរណ៍

រថយន្តព្រូសកំពុងឆ្លងផ្លូវ ត្រូវរថយន្តបែនដឹកថ្មបើកបុកពេញទំហឹងរងការខូចខាតអស់មួយចំហៀង

បានផុស

៣ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

ភ្នំពេញ ៖ បុរសម្នាក់រួមដំណើរជាមួយប្រពន្ធបើករថយន្តឆ្លងផ្លូវស្រាប់ តែមានរថយន្តបែកដឹកថ្មីបើកបុកចំពីចំហៀងពេញទំហឹងគាបជាប់រងការខូចខាតយ៉ាងដំណំ កាលពីវេលាម៉ោង៧និង២០នាទីយប់ថ្ងៃទី១៦ ខែធ្នូ ឆ្នាំ២០២១ នៅតាមបណ្តោយផ្លូវជាតិលេខ៣ ចំណុចភូមិស្រែញរ៍ សង្កាត់ពងទឹក ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រជាពលរដ្ឋឃើញហេតុការណ៍ បានឲ្យដឹងថា មុនកើតហេតុ គេឃើញរថយន្តតូយ៉ូតាព្រូស ពណ៌ប្រផេះ ពាក់ស្លាកលេខ ភ្នំពេញ 2BI-8438 ជិះជាលក្ខណៈគ្រួសារ បើកឆ្លងផ្លូវជាតិលេខ៣ ពីលិចទៅកើត បំណងចូលទៅផ្លូវលំ ស្រាប់តែមានរថយន្តបែន ប្រភេទយីឌុប ដឹកថ្ម ម៉ាកយីយ៉ាន់ដាយ ពណ៌ស ពាក់ស្លាកលេខ ខេមរភូមិន្ទ 2 3-2382 បើកបរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជើង ហ្វ្រាំងមិនស៊ី ក៏ជ្រុលទៅបុកពីចំហៀងរថយន្តព្រូសទាំងកំរោល បណ្តាលឲ្យគាបជាប់គ្នារងការខូចខាតខ្ទេចអស់មួយចំហៀង។

ក្រោយកើតហេតុ សមត្ថកិច្ចមូលដ្ឋានបានចុះទៅដល់ចំណុចកើតហេតុបាញ់ថ្នាំយករថយន្តទាំង២គ្រឿងអែបខាងទុកវេលាឲ្យសម្របសម្រួលគ្នា ទីបំផុត ភាគីខាងរថយន្តបែនសុខចិត្ត នាំយករថយន្តព្រូសទៅជួសជុលសងវិញ ដើម្បីបញ្ចប់រឿងនៅកន្លែងកើតហេតុ៕

ដោយ ៖ សុខា