សេដ្ឋកិច្ច

ក្រុមហ៊ុនសេដ្ឋី Jack Ma គ្រោងបញ្ចេញប្រាក់១០០ប៊ីលានដុល្លារវាយលុកទីផ្សារអាស៊ាន

បានផុស

៣ years មុន

នៅ

ថ្ងៃសុក្រ ១៧ ធ្នូ ២០២១

ដោយ

ក្រុមហ៊ុនពាណិជ្ជកម្មអនឡាញយក្សរបស់ចិន Alibaba ដែលមានមហាសេដ្ឋី Jack Ma ជាស្ថាបនិក បានដាក់គោលដៅវិនិយោគសម្រាប់ទីផ្សារក្រុមហ៊ុន Lazada របស់ខ្លួនប្រចាំតំបន់អាស៊ានជាមួយនឹងកញ្ចប់ទឹកប្រាក់ប្រមាណ១០០ប៊ីលានដុល្លារអាមេរិក។

ផែនការត្រូវបានចែករំលែកជាមួយក្រុមអ្នកវិនិយោគកាលពីថ្ងៃព្រហស្បតិ៍ម្សិលមិញ និងពេលល្ងាចបានបង្ហាញចេញសាធារណៈតាមអនឡាញដែលជំរុញឲ្យក្រុមហ៊ុនដែលបានចូលទៅក្នុងទីផ្សារអាស៊ានតាំងពីឆ្នាំ២០១៦មកប្រកួតប្រជែងជាមួយដៃគូកាន់តែខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហាញឃើញថា ក្រុមហ៊ុន Lazada បានវិនិយោគទឹកប្រាក់២១ប៊ីលានដុល្លារអាមេរិកនៅក្នុងបរិមាណទំនិញសរុប (GMV) ចាប់ពីខែកញ្ញា ឆ្នាំ២០២០ដល់ខែដូចគ្នាក្នុងឆ្នាំ២០២១។ វាសង្ឃឹមថា នឹងទទួលបានអតិថិជនប្រមាណ៣០០លាននាក់ដែលកើនឡើងទ្វេដង បើប្រៀបធៀបនឹងបច្ចុប្បន្ន។

បើប្រៀបធៀបគ្នា ក្រុមហ៊ុន Shopee របស់ក្រុមហ៊ុនមេ Sea Ltd ដែលមានទីផ្សារឈានមុខគេបានដំណើរការទឹកប្រាក់៣៥.៤ប៊ីលានដុល្លារក្នុងបរិមាណទំនិញសរុបសម្រាប់រយៈពេលដូចគ្នាកាលពីឆ្នាំ២០២០។

បើនិយាយពីចំណាត់ថ្នាក់ ក្រុមហ៊ុនរបស់ Alibaba នេះស្ថិតនៅចំណាត់ថ្នាក់លេខ៣នៅតំបន់អាស៊ីអាគ្នេយ៍ដែលលេខ២គឺក្រុមហ៊ុន MercadoLibre Inc និងលេខ១ Shopee។

ក្រុមហ៊ុន Lazada បានផ្លាស់ប្តូរថ្នាក់ដឹកនាំកំពូលជាបន្តបន្ទាប់ចាប់តាំងពីក្រុមហ៊ុនមេ Alibaba បានទិញយកមកគឺនាយកប្រតិបត្តិ២រូបបានចុះចេញមុនពេលនាយកប្រតិត្តិថ្មី (CEO) លោក Chun Li បានដឹកនាំនៅក្នុងឆ្នាំ២០២០។

កាលពីដើមខែនេះ ក្រុមហ៊ុនយក្ស Alibaba បានប្រកាសពីការរុះរើនាយកប្រតិបត្តិម្នាក់ដែលបានឃើញលោក Jiang Fan ដែលធ្លាប់ដឹកនាំក្រុមហ៊ុន Taobao និង Tmall ត្រូវបានតែងតាំងជាប្រធានអង្គភាពពាណិជ្ជកម្មឌីជីថលអន្តរជាតិដែលទើបបង្កើតថ្មីដែលរាប់បញ្ចូលទាំងក្រុមហ៊ុន Lazada និង AliExpress ដែលមានគោលដៅលើផ្នែកខ្លះនៅអឺរ៉ុប និងអាមេរិកខាងត្បូង៕

ប្រែសម្រួល៖ វីរបុត្រ
ប្រភព៖ Reuters