ជីវិតកម្សាន្ដ

សឿ សុធារ៉ា ផ្ទុះរឿងអាម៉ាស់ទៀតហើយខណៈនារីម្នាក់ទម្លាយរឿងជំពាក់លុយមិនសង

បានផុស

៣ years មុន

នៅ

ថ្ងៃសៅរ៍ ១៨ ធ្នូ ២០២១

ដោយ

នេះជារឿងដ៏គួរឲ្យអាម៉ាស់ទៀតហើយសម្រាប់តារាសម្តែងស្រីអ្នកនាង សឿ សុធារ៉ា ខណ:ដែលនារីស្រស់ស្អាត់ម្នាក់បានទម្លាយថា តារាស្រីរូបនេះជំពាក់លុយមិនសង និងថែមទាំងមិនឆ្លើយតបឆាតទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បញ្ហាដ៏រសើបនេះកំពុងធ្វើឲ្យមហាជនមានការភ្ញាក់ផ្អើលហើយចាប់អារម្មណ៍ជាថ្មីទៀត បន្ទាប់ពីកន្លងមក សឿ សុធារ៉ា ក៏ត្រូវបានអ្នកសិល្ប:ដូចគ្នា គឺអ្នកនាង សូ ដានីតា ទម្លាយជុំវិញរឿងជំពាក់បំណុលជិត៤ម៉ឺនដុល្លារផងដែរ ខណ:ដំណោះស្រាយសម្រាប់ម្ចាស់បំណុល សូ ដានីតា នៅមិនទាន់មានពន្លឺនៅឡើយទេ។

ដោយឡែកថ្មីៗនេះបើយោងតាមម្ចាស់គណនីហ្វេសប៊ុកឈ្មោះ Zhou Ling Ling បានបង្ហោះថា ជួយគិតគូរលុយឲ្យខ្ញុំផង ឆាតក៏មិនតបជាតារាល្បីតែលក់ឈ្មោះខ្លួនឯងអញ្ចឹងបង លុយតិចសោះសងខ្ញុំមួយខែតិចក៏បាន តែឆាតមិនចូលមើលទៀត បងជាអាយដលរបស់ខ្ញុំមិនគួរណាបងចរិកចឹងសោះ។

ទាក់ទងរឿងរ៉ាវដ៏រសើបខាងលើនេះ កម្ពុជាថ្មី នៅព្រឹកថ្ងៃទី១៨ ខែធ្នូ ឆ្នាំ២០២១នេះមិនទាន់អាចទាក់ទងដើម្បីសូមការបំភ្លឺពីអ្នកនាង សឿ សុធារ៉ា បាននៅឡើយទេ ខណ:មានមហាជនជាច្រើនរង់ចាំមើលការបកស្រាតរបស់តារាសម្តែងអ្នកនាង សឿ សុធារ៉ា ផងដែរ។

គួររម្លឹកដែរថា អ្នកនាង សឿ សុធារ៉ា កាលពីកន្លងទៅក៏ត្រូវបាន សូ ដានីតា បញ្ជាក់ថា សុធារ៉ា បានជាប់បណ្តឹងគេមិនក្រោម១០នាក់ផងដែរទាក់ទងរឿងបំណុលនេះ៕

អត្ថបទ៖ ចាន់រ៉ា