ព័ត៌មានអន្ដរជាតិ

ចំនួនអ្នកស្លាប់ពីព្យុះទីហ្វុងនៅហ្វីលីពីនកើនដល់២០៨នាក់

បានផុស

៣ years មុន

នៅ

ថ្ងៃចន្ទ ២០ ធ្នូ ២០២១

ដោយ

ប៉ូលិសជាតិបានឲ្យដឹងនៅថ្ងៃចន្ទ ទី២០ ខែធ្នូនេះថា តួលេខជនរងគ្រោះបាត់បង់ជីវិតពីព្យុះទីហ្វុងដ៏អាក្រក់បំផុតដែលបានវាយប្រហារប្រទេសហ្វីលីពីនបានកើនឡើងដល់២០៨នាក់ ដែលបានក្លាយជាព្យុះសម្លាប់មនុស្សច្រើនបំផុតក្នុងប្រទេសនេះប៉ុន្មានឆ្នាំចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបានឲ្យដឹងថា យ៉ាងហោចណាស់មនុស្ស២៣៩នាក់បានរបួស និង៥២នាក់បានកំពុងបាត់ខ្លួន បន្ទាប់ពីព្យុះទីហ្វុង Rai បានវាយប្រហារភាគខាងត្បូង និងកណ្តាលនៃប្រជុំកោះហ្វីលីពីន។

មនុស្សជាង៣០ម៉ឺននាក់ត្រូវបានជម្លៀសចេញពីផ្ទះ និងរមណីយដ្ឋានតាមមាត់សមុទ្រនៅពេលព្យុះទីហ្វុង Rai បានវាយប្រហារកាលពីថ្ងៃព្រហស្បតិ៍សប្តាហ៍មុនដែលបានក្លាយជាព្យុះទីហ្វុងដ៏ធ្ងន់ធ្ងរបំផុតមួយ។

កាកបាទក្រហមប្រទេសហ្វីលីពីនបានរាយការណ៍ពី”ការសម្លាប់រង្គាលទាំងស្រុង” នៅតំបន់ឆ្នេរ។

ព្យុះបានបោកបក់ផ្ទះសម្បែង ដើមឈរដួលរលំ បង្គោលភ្លើងបាក់ និងបាននាំទឹកជំនន់លិចភូមិឋានយ៉ាងធ្ងន់ធ្ងរ បើប្រៀបធៀបនឹងព្យុះទីហ្វុង Haiyan កាលពីឆ្នាំ២០១៣ដែលបានសម្លាប់មនុស្សជាង៧៣០០នាក់៕