សន្តិសុខសង្គម

ចាប់បញ្ជូនជនជាតិថៃ ២៥ នាក់លួចឆ្លងដែនមកធ្វើការនៅកម្ពុជា ទៅប្រទេសវិញ

បានផុស

៣ years មុន

នៅ

ថ្ងៃព្រហស្បតិ៍ ២៣ ធ្នូ ២០២១

ដោយ

សមត្ថកិច្ចក្រុងប៉ោយប៉ែត នៅថ្ងៃទី ២១ ខែធ្នូ ឆ្នាំ ២០២១ បានចាប់ខ្លួន ជនជាតិថៃប្រុស ស្រី ចំនួន ២៥ នាក់ មកធ្វើការនៅក្រុងប៉ោយប៉ែតដោយគ្មានលិខិតស្នាម។

ពិធីប្រគល់ជនជាតិថៃមកធ្វើការនៅក្រុងប៉ោយប៉ែត ដោយខុសច្បាប់នោះមានភាគីកម្ពុជា-ថៃនៅលើស្ពានមិត្តភាពកម្ពុជា-ថៃ នៅច្រកអន្តរជាតិប៉ោយប៉ែត ប្រឈមគ្នាច្រកខ្លងលឹក ក្រោមវត្តមានលោក ឧត្តមសេនីយ៍ឯក សម វណ្ណវីរ: ប្រធាននាយកដ្ឋានសន្តិសុខផ្ទៃក្នុង និងលោកឧត្តមសេនីយ៍ត្រី អេង លីហួរ ស្នងការរង ផែនការងារអន្តោប្រវេសន៍តំណាងលោកឧត្តម សេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អេង លីហួរ ស្នងការរង ផែនការងារអន្តោប្រវេសន៍ បានប្រាប់អ្នកយកព័ត៍មានឲ្យដឹងថាពេលដែលកំលាំងជំនាញធ្វើការឃាត់ខ្លួនជនជាតិថៃទាំង២៥នាក់នេះមកក្រុងប៉ោយប៉ែតធ្វើការងារ ដោយគ្មានលិខិតស្នាមត្រឹមត្រូវលោកបានដឹកនាំកម្លាំងនគរបាលការិយាល័យស៊ើបអង្កេត និងអនុវត្តន៍នីតិវិធី កម្លាំងអធិការដ្ឋានក្រុង ប៉ោយប៉ែត និងកម្លាំងវរ:សេនាតូចនគរបាលការពារព្រំដែនគោក៩១១ផងដែរ។

លោកឧត្តមសេនីយ៍ត្រី អេង លីហួរ បានបញ្ជាក់ឲ្យដឹងបន្តថា ជនជាតិថៃប្រុសស្រីទាំង២៥នាក់ ក្នុងនោះស្រី១១នាក់ ត្រូវបានសមត្ថកិច្ចឃាត់ខ្លួននៅក្នុងអគារជួលមួយកន្លែង ខាងកើតជាប់បុរីសានហូរ ស្ថិតនៅក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ក្រោយសមត្ថកិច្ចរកឃើញថា ពួកគេលួចឆ្លងដែនមកស្នាក់នៅនិងធ្វើការខុសច្បាប់៕