តារាស្រីអង់គ្លេស ថតបង្ហោះសម្ញែងគ្រឿងអលង្ការតម្លៃរាប់ម៉ឺនដុល្លារ ទោះធ្លាប់ត្រូវចោរប្លន់

តារាស្រី MOLLY-MAE Hague បានបង្ហាញគ្រឿងអលង្ការតម្លៃរាប់ម៉ឺនដុល្លារ អំឡុងពេលដើរលេងពេលយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាអង់គ្លេសក្នុងកម្មវិធី Love Island វ័យ២២ឆ្នាំរូបនេះ បានសម្ញែងគ្រឿងអលង្ការដាក់កាមេរ៉ា ថតបង្ហោះ ពេលនាងដើរលេងក្នុងទីក្រុង Manchester ដោយធ្វើឲ្យអ្នកគាំទ្របើកភ្នែកធំៗ ចំពោះទ្រពសម្បត្តិថ្លៃៗ របស់នាង។

រួមជាមួយខ្សែដៃ Cartier Love ដាំពេជ្រចំនួនពីរខ្សែ ដែលមួយខ្សែមានតម្លៃ ៥០,១៧០ដុល្លារនិងមួយខ្សែទៀតមានតម្លៃ៥៣,៥០៨ដុល្លារ, កដៃរបស់ Molly ក៏ត្រូវបានតុបតែងដោយខ្សែដៃ Juste Un Clou ដាំពេជ្រ៣២គ្រាប់តម្លៃ ១៤,០៤៨ដុល្លារនិងខ្សែដៃ Van Cleef តម្លៃ ៥,១៥០ដុល្លារផងដែរ។

ការសម្ញែងរបស់ថ្លៃៗអំឡុងពេលដើរលេងពេលយប់របស់ Molly បានកើតឡើងបន្ទាប់ពីនាង និងមិត្តប្រុសឈ្មោះ Tommy Fury ត្រូវបានក្រុមចោរប្លន់យកគ្រឿងអលង្ការ និងវត្ថុមានតម្លៃចំនួន ១,០៧០,១៦៥ ដុល្លារកាលពីខែតុលា។

ទោះបីជាយ៉ាងណាក៏ដោយ អ្នកគាំទ្រមួយចំនួនបានសម្តែងការព្រួយបារម្ភចំពោះអ្នកមានឥទ្ធិពលដែលអួតពីទ្រព្យសម្បត្តិដ៏ថ្លៃរបស់ខ្លួន ជាពិសេសបន្ទាប់ពីតារាស្រី Kim Kardashian ត្រូវបានចោរប្លន់កាលពីឆ្នាំ ២០១៦ បន្ទាប់ពីបង្ហាញចិញ្ចៀនភ្ជាប់ពាក្យដ៏ថ្លៃរបស់នាង៕

ប្រែសម្រួល៖ Vann Vann

ប្រភព៖ The Sun

ចុចអាន៖ ស្រឡាញ់គ្នា ២ឆ្នាំ ស្នេហា Dua Lipa និង Anwar Hadid ឈានដល់ផ្លូវបំបែក