លោកស្នងការរាជធានី បង្ហាញជាថ្មីលេខទូរស័ព្ទអធិការ នាយប៉ុស្ដិ៍ និងក្រុមការងារប្រតិកម្មរហ័ស

លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបង្ហាញជាថ្មីលេខទូរស័ព្ទអធិការនគរបាលទាំង ១៤ខណ្ឌ ក្នុងរាជធានីភ្នំពេញ និងលេខទូរស័ព្ទ របស់ក្រុមការងារព័ត៌មាន​ និងប្រតិកម្មរហ័ស ផងដែរ។

តាមរយៈទំព័រហ្វេសប៊ុករបស់ខ្លួន លោកឧត្តមសេនីយ៍ឯក ស ថេត បានឲ្យដឹងថា ដោយសារនៅតែមានប្រជាពលរដ្ឋ បានធ្វើការទាក់ទងជាប្រចាំ មកលេខក្រុមការងារព័ត៌មាន​ និងប្រតិកម្មរហ័ស នៃស្នងការដ្ឋាន នគរបាលរាជធានីភ្នំពេញ​ ដើម្បីសួរលេខទូរស័ព្ទ លោកអធិការ​នគរបាលខណ្ឌទាំង ១៤​ លោកនាយប៉ុស្តិ៍នគបាលរដ្ឋបាលទាំង ១០៥ ក្នុងរាជធានីភ្នំពេញ​។

ដូច្នេះស្នងការដ្ឋាន នគរបាលរាជធានីភ្នំពេញ​ បានផ្សព្វផ្សាយ​ និងផ្តល់ជូនជាថ្មី​ នៅលេខទូរស័ព្ទដូចខាងក្រោម​ ដើម្បីងាយស្រួលដល់ប្រជាពលរដ្ឋ ធ្វើការទាក់ទងសួរព័ត៌មានផ្សេងៗ​ ក៏ដូចជាការចុះជួយអន្តរាគមន៍ភ្លាមៗ​ នៅពេលមានបទល្មើស​ គ្រោះថ្នាក់ចរាចរណ៍​ និងអគ្គិភ័យ កើតមានឡើងនៅតាមមូលដ្ឋាន​។

ចំពោះករណីមានអគ្គិភ័យកើតឡើង​ សូមទំនាក់ទំនង​ លេខទូរស័ព្ទ​៖ ៦៦៦​ ឬ​០១២​ ៩៩៩​ ៩៩៩ និងលេខទូរស័ព្ទក្រុមការងារព័ត៌មាន​ និងប្រតិកម្មរហ័ស​ ០៦៩​ ៥១៦​ ៩៩៩​ សម្រាប់តែរាជធានីភ្នំពេញ​ ប៉ុណ្ណោះ​៕

អត្ថបទ៖ ឃួន សុភ័ក្រ