ព័ត៌មានអន្ដរជាតិ

ពលរដ្ឋវៀតណាម ស្ម័គ្រចិត្តចូលរួមតេស្តវ៉ាក់សាំងអភិវឌ្ឍក្នុងស្រុក

បានផុស

៤ years មុន

នៅ

ថ្ងៃអង្គារ ៨ ធ្នូ ២០២០

ដោយ

ក្រោយក្រសួងសុខាភិបាលវៀតណាម បានប្រកាសចាប់ផ្តើមធ្វើតេស្តវ៉ាក់សាំងអភិវឌ្ឍន៍ដោយខ្លួនឯងទៅលើមនុស្ស ចាប់ពីថ្ងៃ ១០ ដល់ថ្ងៃ ១២ ធ្នូ ឆ្នាំ២០២០ មានពលរដ្ឋវៀតណាមជាច្រើន បានស្ម័គ្រចិត្តចូលរួមក្នុងការចាក់សាកល្បងវ៉ាក់សាំងលើមនុស្សដំណាក់កាលទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nguyen Ngo Quang អនុប្រធាននាយកដ្ឋានវិទ្យាសាស្ត្រ បច្ចេកវិទ្យា និងការបំពាក់បំប៉ន នៃក្រសួងសុខាភិបាលវៀតណាម បាននិយាយថា ក្រសួងកំពុងលើកទឹកចិត្តឲ្យពលរដ្ឋក្នុងតំបន់ចូលរួមក្នុងការធ្វើតេស្តនៅពេលនេះ។

សម្រាប់ដំណាក់កាលទី១ វៀតណាម នឹងតេស្តវ៉ាក់សាំងប្រឆាំងកូវីដ ១៩ អភិវឌ្ឍដោយខ្លួនឯងលើអ្នកស្ម័គ្រចិត្តចន្លោះពី ៤០-៦០ នាក់ និងប្រមាណ ៦០០នាក់បន្ថែមទៀតនៅដំណាក់កាលទី២។

លោក Do Tuan Dat ប្រធានក្រុមហ៊ុនផលិតវ៉ាក់សាំងធំបំផុតទី១ នៅវៀតណាម VABIOTECH ដែលជាក្រុមហ៊ុនស្ថិតក្រោយក្រសួងសុខាភិបាល បាននិយាយថា ការធ្វើតេស្តលើសត្វកណ្តុរបង្ហាញថា វ៉ាក់សាំងរបស់ខ្លួនគឺអាចដាស់ប្រព័ន្ធភាពស៊ាំឲ្យខ្លាំងឡើង ក្រោយការចាក់លើកទី២ ចន្លោះពេល ២១ថ្ងៃ។

ទូទាំងប្រទេសវៀតណាម គឺមានក្រុមហ៊ុនវេជ្ជសាស្ត្រសរុបដល់ទៅ ៤ កំពុងធ្វើការអភិវឌ្ឍន៍វ៉ាក់សាំងប្រឆាំងកូវីដ ១៩ ខណៈក្រុមហ៊ុន និងអង្គការវេជ្ជសាស្ត្រទាំងអស់ សុទ្ធតែស្ថិតក្រោមការគ្រប់គ្រងរបស់រដ្ឋាភិបាល៕

ប្រែសម្រួល៖ សុភា
ប្រភព៖ Saigon Times

Related Topics:វ៉ាក់សាំងកូវីដ-១៩