ព័ត៌មានអន្ដរជាតិ

ឆ្លងកូវីដថ្មីជាប់កំណត់ត្រាជាសកលក្នុងពេល៧ថ្ងៃចុងក្រោយ

បានផុស

៣ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

ការឆ្លងកូវីដ-១៩បានជាប់កំណត់ត្រាថ្មីខ្ពស់បំផុតទូទាំងពិភពលោកក្នុងរយៈពេល៧ថ្ងៃចុងក្រោយ។ នេះបើយោងតាមទិន្នន័យរបស់ទីភ្នាក់សារព័ត៌មាន Reuters បង្ហាញកាលពីថ្ងៃពុធម្សិលមិញ ខណៈវីរុសបំប្លែងខ្លួនថ្មី Omicron រាតត្បាតខ្លាំងគ្រប់គ្រងលែងបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមធ្យមមានករណីឆ្លងថ្មីស្ទើរតែ៩០ម៉ឺននាក់ត្រូវបានរកឃើញជារៀងរាល់ថ្ងៃជុំវិញពិភពលោកចន្លោះពីថ្ងៃទី២២ដល់២៨ ខែធ្នូ នៅពេលប្រទេសមួយចំនួនមានករណីឆ្លងថ្មីជាប់កំណត់ត្រាក្នុងរយៈពេល២៤ម៉ោងចុងក្រោយដូចជាសហរដ្ឋអាមេរិក អូស្ត្រាលី និងប្រទេសនៅអឺរ៉ុបជាច្រើនទៀត។

ស្ទើរតែពីរឆ្នាំ បន្ទាប់ពីប្រទេសចិនរកឃើញបវីរុសកូរ៉ូណាលើកដំបូងនៅទីក្រុងអ៊ូហាន មេរោគឆ្លងរាតត្បាតដែលផ្លាស់ប្តូរជាប្រចាំនៅតែធ្វើឲ្យបំផ្លិចបំផ្លាញ បង្ខំឲ្យរដ្ឋាភិបាលជាច្រើនគិតឡើងពីការវិធានការទប់ស្កាត់ និងរបៀបធ្វើតេស្តថ្មី។

បើទោះជាមានការសិក្សាជាច្រើនបានលើកឡើងថា វីរុស Omicron ធូរស្រាលជាងវីរុសបំប្លែងខ្លួនមុនៗ ក៏ចំនួនដ៏ច្រើនសន្ធឹកសន្ធាប់នៃមនុស្សដែលធ្វើតេស្តរកឃើញវិជ្ជមានមានន័យថា មន្ទីរពេទ្យនៅតាមប្រទេសមួយចំនួននឹងកើនឡើងចំនួនអ្នកជំងឺ ខណៈអាជីវកម្មក៏វេទនាដែរ។

ប្រទេសបារាំង អង់គ្លេស អេស្ប៉ាញ ព័រទុយហ្គាល់ ក្រិក ស៊ីប និងម៉ាល់តាមានករណីឆ្លងជាប់កំណត់ត្រាថ្មីកាលពីថ្ងៃអង្គារ៍ ខណៈករណីឆ្លងប្រចាំថ្ងៃជាមធ្យមនៅសហរដ្ឋអាមេរិកបានជាប់កំណត់ត្រាថ្មីដល់ ២៥៨ ៣១២នាក់ក្នុងរយៈពេល៧ថ្ងៃចុងក្រោយ។ នេះបើយោងតាមការស្រង់ទិន្នន័យរបស់ Reuters កាលពីថ្ងៃពុធ។ ចំនួនឆ្លងខ្ពស់បំផុតជាមធ្យមរបស់អាមេរិកពីមុនគឺ ២៥០ ១៤១នាក់កាលពីដើមខែមករា ឆ្នាំ២០២១។