សេដ្ឋកិច្ច

អតិថិជនរីករាយដំណើរកំសាន្តជាមួយការប្រើប្រាស់សេវាឌីជីថលរបស់អេស៊ីលីដា

បានផុស

៣ years មុន

នៅ

ថ្ងៃសៅរ៍ ១ មករា ២០២២

ដោយ

នៅក្នុងដំណើរកំសាន្តចូលឆ្នាំសកល ឆ្នាំ២០២២នេះ អតិថិជនអាចធ្វើដំណើរដោយក្តីរីករាយដោយមិនចាំបាច់មានការព្រួយបារម្ភឡើយ ព្រោះធនាគារ អេស៊ីលីដា បានដាក់ពង្រាយម៉ាស៊ីនដែលមានបច្ចេកវិទ្យាទំនើបៗរាប់ពាន់គ្រឿងនៅទូទាំងប្រទេសដើម្បីផ្តល់ភាពងាយស្រួលជួនដល់អតិថិជិនក្នុងការដាក់-ដកប្រាក់ និងសេវាផ្សេងៗទៀតទៅតាមតម្រូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាងនេះទៀតអតិថិជនក៏អាចប្រើប្រាស់សេវាអេស៊ីលីដា ម៉ូបាលសម្រាប់ស្កែនក្នុងការទូទាត់ថ្លៃទំនិញដែលមានភាពងាយស្រួល លឿនរហ័ស មានសុវត្ថិភាពខ្ពស់ ចំណេញពេលវេលា និងកាត់បន្ថយនូវការប្រើប្រាស់ក្រដាសប្រាក់ ពិសេសអាចបង្ការការឆ្លងមេរោគកូវីដ-១៩ផងដែរ។

លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារ អេស៊ីលីដា បានមានប្រសាសន៍ថា ៖«អេស៊ីលីដាបានសម្រេចវិនិយោគក្នុងការបន្ថែមម៉ាស៊ីនអេធីអឹមឱ្យបានកាន់តែច្រើនឡើងជារៀងរាល់ឆ្នាំគឺដើម្បីបង្កលក្ខណៈងាយស្រួលជូនអតិថិជនដ៏ថ្លៃថ្លាទាំងអស់ក្នុងការប្រើប្រាស់នូវសាច់ប្រាក់របស់គាត់នៅទូទាំងប្រទេសរបស់យើង និងបាន២៤ម៉ោងក្នុង៧ថ្ងៃដើម្បីឱ្យមានភាពងាយស្រួលដល់អតិថិជនរបស់យើង»។

លោកស្រីបានបន្តទៀតថា ជាមួយគ្នានេះ ធនាគារ អេស៊ីលីដា ដែលជាធនាគារពាណិជ្ជឈានមុខគេមួយនៅកម្ពុជា ក៏បានចូលរួមយ៉ាងសកម្មភាពក្នុងការបំពេញសេចក្ដីត្រូវការសម្រាប់របស់អ្នកប្រើប្រាស់សេវាធនាគារឌីជីថល តាមរយៈ អេប អេស៊ីលីដា ម៉ូបាល ដែលមានមុខងារសម្បូរបែប ពិសេសការទូទាត់តាមរយៈ QR កូដ ដ៏លឿនរហ័ស និងសុវត្ថិភាពខ្ពស់។

លោកស្រីសូមគោរពជូនពរដល់ប្រជាពលរដ្ឋក៏ដូចជាអតិថិជនរបស់ធនាគារ អេស៊ីដា ទាំងអស់សូមធ្វើដំណើរកំសាន្តប្រកបដោយសុខសុវត្តិភាព និងចៀសផុតពីការឆ្លងជំងឺដង្កាត់ផ្សេងៗ ពិសេសជំងឺកូវីដ-១៩ ឬជំងឺកូវីដ១៩ប្រភេទថ្មី អូមីក្រុង កំពុងឆ្លងនៅកម្ពុជាក៏ដូចជានៅលើសកលលោក៕