ព័ត៌មានជាតិ

ទីបំផុតស្ពានឆ្លងកាត់ទន្លេទៅអរិយក្សត្រ គ្រោងឈានទៅបើកការដ្ឋានសាងសង់

បានផុស

៣ years មុន

នៅ

ថ្ងៃចន្ទ ៣ មករា ២០២២

ដោយ

ប្រមុខរដ្ឋាភិបាលកម្ពុជាសម្តេចតេជោ ហ៊ុន សែនបានបញ្ជាក់នៅក្នុងពិធីបើកការដ្ឋានសាងសង់ផ្លូវជាតិលេខ ៤៨ នៅព្រឹកនេះ ពីការឈានទៅបើកការដ្ឋានសាងសង់ស្ពានឆ្លងកាត់ទន្លេមេគង្គទៅតំបន់អរិយក្សត្រ ក្រោយក្រុមហ៊ុនរបស់កូរ៉េបានសិក្សាចប់សព្វគ្រប់។

គម្រោងនៃការសាងសង់ស្ពានឆ្លងកាត់ទន្លេទៅតំបន់អរិយក្សត្រ នឹងប្រែក្លាយតំបន់នោះក្លាយជាទីក្រុងរណប ខណៈទីនោះកំពុងមានការអភិវឌ្ឍលើហេដ្ឋារចនាសម្ព័ន្ធ រួមទាំងគម្រោងបុរីជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រមុខរដ្ឋាភិបាលស្ពានមិត្តភាពកម្ពុជា-កូរ៉េ ឆ្លងកាត់ទន្លេមេគង្គ ភ្ជាប់ទៅតំបន់អរិយក្សត្រ ត្រូវបានភាគីកូរ៉េខាងត្បូង ដាក់ជូនរាជរដ្ឋាភិបាលកម្ពុជា ដើម្បីពិនិត្យមុនឈានទៅបើកការដ្ឋានសាងសង់។

គម្រោងហេដ្ឋារចនាសម្ព័ន្ធជាច្រើនកំពុងការសាងសង់ប្រើប្រាស់ថវិការដ្ឋាភិបាលកូរ៉េ ដូចជាគម្រោងស្តារផ្លូវជាតិលេខ ២ និងការបើកការដ្ឋានសាងសង់ផ្លូវជាតិលេខ ៤៨ ទៅខេត្តកោះកុង។

បើតាមមន្រ្តីរបស់ក្រសួងសាធារណការបានឲ្យដឹងថា ការសាងសង់ស្ពានមិត្តភាពកម្ពុជា-កូរ៉េ ឆ្លងកាត់ទន្លេមេគង្គទៅតំបន់អរិយក្សត្រ អាចនឹងបើកការដ្ឋានសាងសង់នៅឆ្នាំ២០២២នេះ៕

Related Topics:ហេដ្ឋារចនាសម្ព័ន្ធ