KPT+

មនុស្សប្រុសបីប្រភេទ ដែលស្រីៗបែរបន់កុំឲ្យជួប

បានផុស

៤ years មុន

នៅ

ថ្ងៃពុធ ៩ ធ្នូ ២០២០

ដោយ

គ្រប់គ្នាមានរសនិយមរួម ដូចជាចូលចិត្តសុភាពបុរសដែលមានចិត្តក្លាហាន សុខភាពល្អ មានអាជីព មានទំនួលខុសត្រូវ ចេះយោគយល់អធ្យាស្រ័យ។ល។

តែបុរសបីប្រភេទខាងក្រោមនេះ បើបានស្តាប់ឮកាលណា ស្រីៗលួចជេរ ឬភ័យណាស់ខ្លាចក្នុងការមានជាប់កម្មមកជួបគ្នា នាំទុក្ខពេញមួយជីវិត។

១ ស្រលាញ់ស្រីរកតែមានទ្រព្យ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សប្រុសខ្លះ លុយនិយមជាងស្រី ហើយគួរឲ្យទើសភ្នែកបំផុតខណៈខ្លួនគួរមានទំនួលខុសត្រូវក្នុងគ្រួសារបែរជាប្រាថ្នាចង់បានពីខាងស្រី ដូចជាពាក្យចាស់លោកថា តោងទាំងមុខមិនញិន ឲ្យធ្វើអីក៏ធ្វើដែរឲ្យតែអូនផ្ដល់ឡាន ផ្ទះសម្ភារៈទំនើប អំណាចបុណ្យស័ក្ដិ។ល។

ដើរសួរទៅមានមនុស្សស្រីណាខ្លះចូលចិត្តមនុស្សប្រុសប្រភេទនេះ។

២ ចង់តែស្រណុកមិនចង់លំបាកហត់នឿយ

មនុស្សប្រុសជាភេទដែលគេតម្កល់ជាមេគ្រួសារក្នុងសង្គមខ្មែរ តែបែរជាប្រុសមួយចំនួនប្រកាន់គំនិតខ្ជិលទម្រន់ប្រកាន់ការងារ ចង់តែឡូយឆាយ ដឹកប្រពន្ធទៅផ្សារខ្លាចខ្មាសគេ រណែងរណោងសុខចិត្តតែងខ្លួនប្រិតប្រៀងដូចសេដ្ឋី ធាតុពិតគ្មានលុយមួយសេនណា ព្រោះប្រកាន់ខ្លួនរើសការងារ ភាពច្រើនរំពៃរើសរកមើលតែភរិយាណាដែលអាចមានចំណាយឬចំណូល មកចិញ្ចឹមផ្គត់ផ្គង់សម្ភារៈឲ្យ ចូលចិត្តឡូយឆាយ ដោយប្រាក់ដែលមិនមែនជារបស់ខ្លួន។

៣ និយាយដើមស្រី

មនុស្សប្រុសច្រើនមកហើយ ដែលនិយមយករឿងមនុស្សស្រីស្រលាញ់ខ្លួន ទៅធ្វើជារឿងមោទនភាព សើចកម្សាន្តក្នុងចំណោមមិត្តភ័ក្ដិ ខ្លះសូម្បីតែរឿងលើគ្រែក៏យកទៅបង្អួតគ្នា ជាប្រភេទមនុស្សប្រុសកំសាកអន់ថយដែលស្រីៗដឹងរឿងកាលណាស្អប់មិនឲ្យតម្លៃ ខ្លះរហូតដល់គុំកួនកើតបានជាហិង្សាទោសទណ្ឌ ព្រោះតែការបកអាក្រាតកេរខ្មាសគ្នាជាទម្លាប់បែបនេះ៕

អត្ថបទ៖តុង ឡុង

ចុចអាន៖ជំនាញទំនាក់ទំនង៖ ការស្ដាប់ យ៉ាងសកម្មនិងមានប្រសិទ្ធភាព

ចុចអាន៖ហេតុអ្វីអ្នកខ្លះអាចល្អជាមួយអ្នកដទៃច្រើនជាងជាមួយមនុស្សដែលខ្លួនស្រលាញ់?