ព័ត៌មានជាតិ
អគារផលិតអុកស៊ីសែននៅខេត្តព្រៃវែង នឹងចាប់ផ្ដើមដំណើរការផលិតនៅថ្ងៃទី២៨ ខែមករា នេះ
បន្ទាប់ពីសាងសង់អគារផលិតអុកស៊ីសែន និងមានបំពាក់នូវឧបករណ៍សម្រាប់ផលិតរួចហើយនោះ លោកបណ្ឌិត សេង បញ្ញារិទ្ធ ប្រធានមន្ទីរសុខាភិបាលខេត្តព្រៃវែងបានឲ្យដឹងថា នៅព្រឹកថ្ងៃទី២៨ ខែមករា ឆ្នាំ២០២២ នឹងចាប់ផ្តើមផលិតអុកស៊ីសែនសាកល្បងចំនួន៥០ទីប ដើម្បីជាគុណប្រយោជន៍សម្រាប់ប្រើប្រាស់ព្យាបាលជំងឺកូវីដ-១៩ និងសង្គ្រោះអ្នកជំងឺដែលមានសភាពធ្ងន់ធ្ងរដែលត្រូវការអុកស៊ីសែនជំនួយក្នុងការដកដង្ហើម ហើយការផលិតអុកស៊ីសែននៅខេត្តព្រៃវែង អាចផ្គត់ផ្គង់ដល់ខេត្តស្វាយរៀង ត្បូងឃ្មុំ និងកំពុងកំពង់ចាមផងដែរ។

អាគារផលិតអុកស៊ីសែននេះ មានទទឹង១៦ម៉ែត្រ និងបណ្តោយ១៨ម៉ែត្រ ហើយអគារនេះមានសារៈសំខាន់ខ្លាំងណាស់សម្រាប់ខេត្តព្រៃវែង ក្នុងការជួយសង្គ្រោះដល់បងប្អូនប្រជាពលរដ្ឋដែលគាត់មានជំងឺធ្ងន់ៗផ្សេងៗជាពិសេសគឺជំងឺកូវីដ១៩ ដែលកំពុងតែគំរាមកំហែងអាយុជីវិតបងប្អូនប្រជាពលរដ្ឋទូទាំងប្រទេសកម្ពុជា ក៏ដូចជានៅក្នុងខេត្តព្រៃវែងនេះ។ ចាប់ពីពេលនេះតទៅ នៅខេត្តព្រៃវែង លែងខ្វះអុកស៊ីសែនទៀតហើយ សម្រាប់អ្នកជំងឺដែលត្រូវការអុកស៊ីសែនចាំបាច់បំផុតសម្រាប់ស្រោចស្រង់អាយុជីវិតដែលបានមកសម្រាកព្យាបាលនៅតាមមន្ទីរពេទ្យបង្អែកនានានៅក្នុងខេត្តព្រៃវែង។ រីឯទីតាំងអគារផលិតអុកស៊ីសែន សម្រាប់ត្រៀមព្យាបាលអ្នកជំងឺកូវីដ-១៩ និងសង្គ្រោះជំងឺផ្សេងៗ

នេះ គឺត្រូវបានប្រជុំពិភាគ្សា នឹងដាក់នៅបរិវេណមន្ទីរសុខាភិបាលខេត្ត។ ហើយទីតាំងដែលត្រូវដាក់អុកស៊ីសែននេះ គឺត្រូវដាក់នៅកន្លែងដែលមានខ្យល់បរិសុទ្ធល្អ និងបរិស្ថានស្អាតផងដែរ។
លោបណ្ឌិតបន្តថា យើងមានអុកស៊ីសែនគ្រប់គ្រាន់អាចកាត់បន្ថយបាននូវការស្លាប់របស់អ្នកជំងឺបានស្ទើរតែ១០០ភាគរយ ដូច្នេះនៅតាមមន្ទីរមន្ទីរពេទ្យស្រុក នឹងមានអុកស៊ីសែនគ្រប់គ្រាន់សម្រាប់ជួយសង្គ្រោះអ្នកជំងឺចាប់ពីពេលនេះតទៅ។ ទោះបីជារាជរដ្ឋាភិបាលបានប្រកាសបិទបញ្ចប់ ព្រឹត្តិការណ៍២០កុម្ភៈ ក៏ពិតមែន ក៏ប៉ុន្តែចំពោះវិធានការនានា ដែលបានដាក់ចេញដោយរាជរដ្ឋាភិបាលក៏ដូចជាក្រសួងសុខាភិបាលដើម្បីបង្កើតទប់ស្កាត់ការឆ្លងជំងឺ covid-19 នៅក្នុងខេត្តព្រៃវែង ដូចជានៅក្នុងប្រទេសកម្ពុជាគឺនៅតែបន្តយ៉ាងខ្ជាប់ខ្ជួនជាទីបំផុត៕
អត្ថបទ៖ សៅគ្រី




-
សន្តិសុខសង្គម៣ ថ្ងៃ ago
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៥ ថ្ងៃ ago
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៧ ថ្ងៃ ago
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៦ ថ្ងៃ ago
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
សន្តិសុខសង្គម៤ ថ្ងៃ ago
ខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១៥ ម៉ោង ago
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
ព័ត៌មានអន្ដរជាតិ៩ ម៉ោង ago
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ