​ជុំ លីណូ ​បោះ​ទុន​ខ្ទង់សែន​ដុល្លារ​បង្កើត​ផ្សាបន្លែ​ត្រីសាច់​ត្រៀម​សម្ពោធ​ឆាប់ៗ​នេះ

មិនត្រឹមជោគជ័យលើមុខជំនួញផ្សេងៗ និងសិល្បៈប៉ុណ្ណោះទេតារាចម្រៀងល្បីឈ្មោះលោក ជុំ លីណូ ថ្មីៗនេះធ្លាយដំណឹងថា លោកបានបោះទុនរាប់សិបម៉ឺនដុល្លារ ដើម្បីបង្កើតផ្សាបន្លែត្រីសាច់ដែលត្រៀមសម្ពោធឆាប់ៗនេះនៅខេត្តកំពត។

ជាក់ស្តែងនៅលើគណនីហ្វេសប៊ុកផ្ទាល់ខ្លួនលោក ជុំ លីណូ បានប្រកាសដូច្នេះថាខ្ញុំបាទជុំ លីណូនឹងបើកសម្ពោធផ្សាមួយកន្លែងស្ថិតនៅភូមិខ្វាវឃុំចំបុី ស្រុកអង្គរជ័យ ខេត្តកំពត នៅលើផ្លូវជាតិលេខ ៣១ ដែលកម្មវិធី នឹងប្រព្រឹត្តិទៅនៅថ្ងៃទី៣១ខែមករាឆ្នាំ ២០២២។

លោកបន្តថា​ កម្មវិធីសម្ពោធនេះគឺមានការអញ្ជើញចូលរួមដ៏ខ្ពង់ខ្ពស់ពីសំណាក់លោកជំទាវ ហ៊ុន ស៊ីណាត់។អាស្រ័យហេតុនេះសូមគោរពអញ្ជើញបង ប្អូនអាជីវករនិងភ្ញៀវកិត្តិយសអញ្ជើញចូលរួមនិង រង់ចាំទទួលនូវវត្តមានដ៏ខ្ពង់ខ្ពស់ពីលោកជុំទាវ ហ៊ុន សុីណាត ដែលលោកនឹងអញ្ជើញចូលរួមនិងកាត់ខ្សែរបូនៅវេលាចាប់ពីម៉ោង ៩ និង៤០នាទីព្រឹក។

លោក ជុំ លីណូ បន្ថែមថា នៅថ្ងៃដដែលនេះក៏មានការប្រគុំតន្ត្រីសម័យចាប់ពីម៉ោង ៦នាទីល្ងាច រហូតដល់ម៉ោង១០យប់ផងដែរ។ លោកក៏អញ្ញើញលោកលោកស្រីអ្នកនាងកញ្ញា អញ្ជើញចូលរួមសប្បាយៗ និងរើសមុខទំនិញតាមតម្រូវការរបស់លោកលោកស្រីដោយក្តីរីករាយផងចុះ៕

អត្ថបទ៖ ចាន់រ៉ា