ប៉ូលិសថៃ ឆ្មក់ចូលរោងចក្រសាច់ក្រក ក្រោយកុមារ៩នាក់ធ្លាក់ខ្លួនឈឺ ដេកពេទ្យ 

ប៉ូលិសបានឆ្មក់ចូលរោងចក្រផលិតសាច់ក្រកមួយកន្លែង ក្នុងខេត្ត Chon Buri និងបានរឹបអូសផលិតផលដែលមានតម្លៃសរុបប្រហែល ៧០០,០០០បាតដើម្បីពិនិត្យ បន្ទាប់ពីកុមារនៅក្នុងខេត្តចំនួន៥ មានជំងឺឈាមក្រោយញ៉ាំអាហារដែលផលិតនៅទីនោះ។

អគ្គស្នងការអង្គភាពការពារអ្នកប្រើប្រាស់ (CPPD) លោក Anan Nanasombat និងតំណាងរដ្ឋបាលចំណីអាហារ និងឱសថ នៅថ្ងៃព្រហស្បតិ៍ទី៣ខែកុម្ភៈនេះ បានប្រកាសពីការរឹបអូសផលិតផលពីរោងចក្រនេះ។

ស្របពេលជាមួយគ្នានោះ លោក Nethi Wongkularb ប្រធានអនុផ្នែកទី៤នៃ CPPD បាននិយាយថា ការវាយឆ្មក់នេះធ្វើឡើងតាមព័ត៌មានពី FDA ដែលថា កុមារចំនួន៩នាក់នៅ Chiang Mai, Saraburi, Phetchaburi, Trang និង Kanchanaburi ត្រូវបានបញ្ជូនទៅមន្ទីរពេទ្យបន្ទាប់ពីញ៉ាំសាច់ក្រក។

ពួកគេត្រូវបានគេធ្វើរោគវិនិច្ឆ័យឃើញថាមាន Methemoglobinemia (ជំងឺឈាមដែលបណ្តាលមកពីការកើនឡើងនៃទម្រង់អេម៉ូក្លូប៊ីន)។

ប៉ូលិស មន្ត្រី FDA និងមន្ត្រីសុខាភិបាលក្នុងខេត្ត Chon Buri បានរួមគ្នាត្រួតពិនិត្យរោងចក្រ ហើយបាននិយាយជាមួយស្ត្រីម្នាក់ជាម្ចាស់។ នាងសារភាពថា ​បាន​ផលិត​ផលិតផល​សាច់ក្រក​ដោយ​គ្មាន​ការ​អនុញ្ញាត​ត្រឹមត្រូវ​រយៈពេល​ប្រហែល៥ឆ្នាំ​មក​ហើយ។

ស្លាកផលិតផលមួយចំនួននៅទីនោះត្រូវគ្នានឹងអាហារដែលសិស្សញ៉ាំ ហើយធ្លាក់ខ្លួនឈឺ។ ផលិតផលទាំងនោះមិនមានការយល់ព្រមពី FDA ទេ ហើយរោងចក្រក៏​មិន​បាន​ឆ្លង​កាត់​ស្តង់ដារ​ផលិត​កម្ម​ល្អ (GMP)ដែរ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ វីដេអូស្ដែងៗ បុរស ថៃ លលេងជាមួយពស់វែក ១០ គីឡូក្រាម ប៊ិះភ្នាត់ស្នៀត