ជីវិតកម្សាន្ដ

វីរៈនិច្ច ទម្លាយរឿងដ៏ស្លុតចិត្ត ក្រោយកូនភ្លោះក្នុងផ្ទៃត្រូវចាកចេញទាំងសោកស្តាយ

បានផុស

៣ years មុន

នៅ

ថ្ងៃសុក្រ ៤ កុម្ភៈ ២០២២

ដោយ

តារាចម្រៀងវ័យក្មេងអ្នកនាង វីរៈនិច្ច បន្ទាប់ពីដឹកដៃស្វាមីចូលរោងការតាមប្រពៃណីនាអំឡុងខែតុលា ឆ្នាំ ២០២១ មិនបានប៉ុន្មាននាងក៏ប្រកាសដំណឹងដ៏រំភើប និងសប្បាយចិត្តក្រោយពេលដឹងថា ខ្លួនកំពុងមានផ្ទៃពោះជាង ១ ខែទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែយ៉ាងណាមិញ ក្រោយពេលដែលប្រកាសដំណឹងនោះមិនទាន់បានប៉ុន្មានផង ស្រាប់តែតារា ចម្រៀងអ្នកនាង វីរៈនិច្ច បានទម្លាយជាថ្មីនូវព័ត៌មានដ៏តក់ស្លុត និងរន្ធត់ចិត្តខ្លាំង គឺកូនក្នុងផ្ទៃរបស់នាងដែលភ្លោះនោះមិនបាននៅជាមួយនាងទៀតឡើយ ពោលគឺស្លាប់បាត់ទៅហើយ។

ជាក់ស្តែងកាលពីយប់ថ្ងៃទី ០៣ ខែកុម្ភៈ ឆ្នាំ ២០២២ តារា ចម្រៀងស្រី វីរៈនិច្ច បានធ្វើឲ្យមហាជន និងអ្នកគាំទ្រភ្ញាក់ផ្អើលគ្រប់គ្នាបន្ទាប់ពីមានបានចេញមុខប្រកាសដំណឹងដ៏សោកស្តាយខាងលើ។ វីរៈនិច្ច បានលើកឡើងថា«ដំបូងនាងខ្ញុំសុំទោសបងប្អូនទុកជាមុន សម្រាប់រយៈពេលជិតមួយខែនេះផងដែលបានលាក់បងប្អូនហេតុផល គឺទទួលយកមិនទាន់បាន»។ តារាស្រី វីរៈនិច្ច បញ្ជាក់បន្ថែមតាមរយៈបណ្តាញសង្គមថា កូនក្នុងផ្ទៃរបស់ខ្ញុំ(ភ្លោះ)មិនបាននៅជាមួយខ្ញុំទៀតទេ មូលហេតុមានដោយចៃដន្យកូនមិនលូតលាស់ ដូច្នេះបងប្អូនឈប់ឆ្ងល់ថា ហេតុអី្វបានខ្ញុំស្លៀកពាក់រឹបៗបាន០៦ ខែមករា ឆ្នាំ ២០២២ ថ្ងៃដែលសោកស្តាយជាបំផុត។

គេចាំបានថា តារាចម្រៀង វីរៈនិច្ច បានរៀបចំពិធីមង្គលការកាលពីថ្ងៃទី ១៦ ខែតុលា ឆ្នាំ ២០២១ កន្លងទៅ។ បន្ទាប់ពីរៀបការបានប្រមាណជាង២ខែស្រាប់ តែ វីរៈនិច្ច និងស្វាមីប្រកាសដំណឹងដ៏រីករាយថាពួកគេ ទទួលបានចំណងដៃកូនភ្លោះក្នុងផ្ទៃ គួរឲ្យរំភើបខ្លាំង។ ប៉ុន្តែពេលនេះក្តីសង្ឃឹមរបស់ពួកគេក៏បានរលាយទៅវិញអស់៕