សន្តិសុខសង្គម

ព្រះសង្ឃមួយអង្គលង់ទឹកស្រះ ខណៈចុះស្រង់ទឹកពេលយប់

បានផុស

៣ years មុន

នៅ

ថ្ងៃសុក្រ ៤ កុម្ភៈ ២០២២

ដោយ

ព្រះសង្ឃមួយអង្គចុះស្រង់ទឹកស្រះលង់លិចបាត់ព្រះកាយ បន្សល់ទុកតែស្បែកជើង ស្បង់ចីវរ នៅមាត់ស្រះ បង្កឲ្យភ្ញាក់ផ្អើលឆោឡោទាំងពុទ្ធបរិស័ទ ទាំងសមត្ថកិច្ចរាវរកកាលពីវេលាម៉ោង៧និង៤០នាទីយប់ថ្ងៃទី០៣ ខែកុម្ភៈ ឆ្នាំ២០២២ នៅស្រះទឹកក្នុងបរិវេណវត្តតាំងកសាងខាងជើង ភូមិចម្ការឳឡឹក សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ពេញមួយយប់រាវរកមិនឃើញ លុះព្រឹកឡើងទើបរកឃើញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះសង្ឃរងគ្រោះព្រះនាម ចាន់ មានរិទ្ធិ ហៅសំណព្វ ព្រះជន្ម២៨វស្សា គង់នៅវត្តតាំងកសាង និងមានស្រុកកំណើតនៅខេត្តកំពង់ឆ្នាំង។

តាមព្រះសង្ឃគង់នៅក្នុងវត្តមានសង្ឃដីកាថា មុនកើតហេតុព្រះសង្ឃអង្គរងគ្រោះនិមន្តទៅស្រង់ទឹកស្រះ បាត់ជាច្រើនម៉ោងមិនឃើញនិមន្តចូលរៀនធម៌ លុះតាមរកមើលឃើញតែស្បែកជើង និងស្បង់ចីវរ និងទូរស័ព្ទ នៅមាត់ទឹកតែបាត់ព្រះកាយសង្ស័យលង់លិចបាត់ ។

ប្រភពបន្តទៀតថា ព្រះសង្ឃអង្គនេះ មានជំងឺស្រឺតប្រចាំកាយញឹកញាប់កើតអាការៈហើយក្រោយពីចុះស្រង់ទឹកបាត់ព្រះកាយ ទើបផ្អើលឆោឡោ ទាំងពលរដ្ឋពុទ្ធបរិស័ទសមត្ថកិច្ច មានអ្នកចុះមុជទឹករាវរកតែមិនឃើញពេញមួយយប់តែរកមិនឃើញ។

លុះរហូតមកដល់វេលាម៉ោង៧ព្រឹកថ្ងៃទី០៤ ខែកុម្ភៈ ឆ្នាំ២០២២នេះ សពព្រះសង្ឃខាងលើបានផុសអណ្តែតហើយ សមត្ថកិច្ចចុះពិនិត្យ និងរង់ចាំជំនាញស្រង់ឡើងគោកធ្វើកោសល្យវិច័យមុននឹងរៀបចំធ្វើបុណ្យតាមប្រពៃណី៕

អត្ថបទ៖ សុខា