ពិតទេ គ្រាន់តែមុខងារ Voice របស់ Messenger ទូទាំងពិភពលោក កម្ពុជា យើងប្រើប្រាស់ ៥០ ភាគរយតែឯង

បើយោងតាមឯកសារដែលចេញផ្សាយដោយអតីតប្រធានផ្នែកស្រាវជ្រាវរបស់ក្រុមហ៊ុន Facebook លោក Frances Haugen បានឲ្យដឹងថា នៅឆ្នាំ ២០១៨ ការប្រើប្រាស់មុខងារ Voice ជាសម្លេងរបស់កម្មវិធី Messenger នៅទូទាំងពិភពលោក ក្នុងនោះ ៥០ ភាគរយមានប្រភពចេញពីអ្នកប្រើប្រាស់នៅកម្ពុជា ប៉ុន្តែគ្មាននរណាម្នាក់នៅក្នុងក្រុមហ៊ុនដឹងពីមូលហេតុនេះនោះទេ ។

ប៉ុន្តែយោងតាមគេហទំព័រ Rest of World បានចុះផ្សាយថា មូលហេតុនេះគឺដោយសារតែភាពស្មុគស្មាញនៃភាសាខ្មែរ បើទោះជាខ្មែរយូនីកូដមានតាំងពីឆ្នាំ ២០០៦ ក៏ដោយ ពោលបច្ចេកវិទ្យាមួយចំនួនមិនត្រូវបានរចនាឡើងដោយគិតពីភាសារខ្មែរមុនឡើយ” ។

គួរបញ្ជាក់ថា Facebook ដែលបច្ចុប្បន្នមានក្រុមហ៊ុនមេឈ្មោះ Meta បាន​ក្លាយ​ជា​ការ​ពេញ​និយម​នៅ​ក្នុង​ប្រទេស​កម្ពុជា​ប្រហែលនៅ​ឆ្នាំ ២០០៩ ហើយ​នៅ​ពេល​ដំណាល​គ្នានោះ ស្មាតហ្វូន និងការប្រើអ៊ីនធឺណិតក៏មាន​តម្លៃសមរម្យ ដែល​ធ្វើឲ្យ​ការ​ប្រើ​ប្រាស់កម្មវិធីមួយនេះ​ផ្ទុះ​ឡើង ខណៈសព្វថ្ងៃនេះ វានៅតែជាវេទិការួមដ៏ពេញនិយមបំផុតរបស់ប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ India Times

ចុចអាន ៖ មកដឹង ប្រាក់ខែគ្រូបង្រៀនប្រទេសទាំង ១០ នៅ អាស៊ាន