ព័ត៌មានជាតិ

៤៨ ថ្ងៃ ផ្លូវកាត់ថ្មីពីបូកគោ មកផ្លូវជាតិលេខ ៤ សម្រេចសាងសង់បានជាង ៦ គីឡូម៉ែត្រ

បានផុស

៣ years មុន

នៅ

ថ្ងៃអាទិត្យ ៦ កុម្ភៈ ២០២២

ដោយ

រហូតមកដល់ពេលនេះ គម្រោងស្ថាបនាផ្លូវតភ្ជាប់ឧទ្យានជាតិព្រះមុនីវង្សបូកគោមកផ្លូវជាតិលេខ៤ ត្រង់ចំណុច PK១៥៨+២០០ អនុវត្តបាន ៤៥ ថ្ងៃ និងសម្រេចបាន ៦,៥គ.មហើយ។ នេះបើតាមការឲ្យដឹងរបស់ឯកឧត្តម ជា សុផារ៉ា រដ្ឋមន្រ្តីក្រសួងដែនដី នគរូបនីយកម្មនិងសំណង់។

ផ្លូវកៅស៊ូដែលសាងសង់ថ្មីប្រវែងជាង ២០ គីឡូម៉ែត្រ ក្រោមទុនវិនិយោគរបស់អ្នកឧកញ៉ាសុខ គង់ និងអ្នកឧកញ៉ាម៉ុង ឫទ្ធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុខព្រួញអ្នកឧកញ៉ាសុខ គង់ ធើ្វពីខ្នងភ្នំចុះក្រោម។ ឧកញ៉ាម៉ុង ឬទ្ធី អនុវត្តការដ្ឋានបើកផ្លូវពីផ្លូវជាតិលេខ៤ទៅតភ្ជាប់គ្នា ដែលមានប្រវែងសរុប ៦១គ.ម។ នេះជាការសម្រួលដល់ការធើ្វដំណើរនិងការគាំទ្រដល់ការវិនិយោគ។

គម្រោងស្ថាបនាផ្លូវថ្មីប្រវែង ២៧ គីឡូម៉ែត្រ តភ្ជាប់ពីបូកគោ មកផ្លូវជាតិលេខ ៤ ស្ថិតនៅក្នុងការសម្របសម្រួលរបស់រដ្ឋមន្រ្តីក្រសួងដែនដី។

បើតាមលោករដ្ឋមន្រ្តី ឧទ្យានជាតិបូកគោ រងការខូចខាតនិងខាតបង់ពេលវេលារាប់រយឆ្នាំដោយសារសង្គ្រាម។ ក្រោយប្រទេសជាតិមានសន្តិភាពពេញផ្ទៃប្រទេស ក្រោមការដឹកនាំរបស់ប្រមុខរដ្ឋាភិបាលសម្តេចតេជោ ហ៊ុន សែន សមិទ្ធផលថ្មីផ្លូវចាក់ក្រាលកៅស៊ូ ដែលតភ្ជាប់ពីផ្លូវជាតិលេខ ៤ ឆ្ពោះទៅភ្នំបូកគោ ឆ្លងកាត់តាមដីសម្បទានសេដ្ឋកិច្ចចំការដូងប្រេងអ្នកឧកញ៉ាម៉ុង ឫទ្ធី នឹងលេចរូបរាងក្នុងពេលឆាប់ៗដ៏ខ្លីខាងមុខនេះជាក់ជាមិនខានឡេីយ៕