សុខភាព

ជំងឺធ្ងន់ធ្ងរមួយទៀត រកឃើញលើអ្នកជាសះស្បើយពី កូវីដ

បានផុស

៣ years មុន

នៅ

ថ្ងៃចន្ទ ៧ កុម្ភៈ ២០២២

ដោយ

Sok Chivon

នាយកដ្ឋានវេជ្ជសាស្ត្រថៃបានរកឃើញរោគសញ្ញានៃជំងឺវង្វេងវង្វាន់នៅក្នុងអ្នកជំងឺកូវីដ ១៩ មួយចំនួន បន្ទាប់ពីពួកគេបានជាសះស្បើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Somsak Ankasil អគ្គនាយកនៃនាយកដ្ឋានសេវាវេជ្ជសាស្រ្តបានបង្ហើបថា អ្នកជំងឺមួយចំនួនបានបង្ហាញពីរោគសញ្ញានៃជំងឺវង្វេងវង្វាន់ក្នុងរយៈពេល ១ ទៅ ៦ ខែ បន្ទាប់ពីបានឆ្លងកូវីដ ។

លោកបាននិយាយថា វាធ្វើឲ្យស្ថានភាពមុខងារខួរក្បាលកាន់តែយ៉ាប់យ៉ឺន ភាគច្រើននៅក្នុងសមត្ថភាពការផ្តោតអារម្មណ៍ ការសម្រេចចិត្ត ការធ្វើផែនការ និងជំនាញចងចាំរយៈពេលខ្លី ។

អ្នកជំងឺនឹងមានអារម្មណ៍ច្របូកច្របល់ក្នុងខួរក្បាល មានអារម្មណ៍ធុញធប់ មមើមមាយ និងមិនអាចផ្តោតខ្លាំងលើរឿងអ្វីមួយឡើង ដែលប៉ះពាល់ដល់សកម្មភាពប្រចាំថ្ងៃដូចជា ការងារ ឬសកម្មភាពសង្គមជាដើម ហើយអាចបង្កគ្រោះថ្នាក់ដល់ការរស់នៅឲ្យបានអាយុវែងផងដែរ ។

ទន្ទឹមនោះ វាកាន់តែហានិភ័យគឺខ្ពស់សម្រាប់អ្នកជំងឺដែលមានជំងឺសរសៃប្រសាទ និងខួរក្បាលពីមុនមកដូចជា ជំងឺដាច់សរសៃឈាមខួរក្បាល ជាពិសេសមនុស្សចាស់ដែលមានជំងឺច្រើនក្នុងខ្លួន ។

លោក Somsak បញ្ជាក់ថា “រោគសញ្ញាវង្វេងវង្វាន់នេះអាចប្រសើរឡើងដោយទាមទារពេលវេលា ។ គួរថែរក្សាខ្លួន និងសុខភាពឲ្យបានល្អ ដោយញ៉ាំអាហារសុខភាព ធ្វើលំហាត់ប្រាណឲ្យបានទៀងទាត់ គេងឲ្យបានគ្រប់គ្រាន់ ធ្វើសកម្មភាពដែលជួយជំរុញខួរក្បាល អនុវត្តការគិតពិចារណា សមាធិ ឬចំណង់ចំណូលចិត្តសម្រាកកាយ ។ ទាំងនេះនឹងជួយខួរក្បាល និងប្រព័ន្ធប្រសាទឲ្យជាសះស្បើយ និងវិលមករកភាពប្រក្រតីវិញបានលឿន និងល្អប្រសើរ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ ពិតទេ គ្រាន់តែមុខងារ Voice របស់ Messenger ទូទាំងពិភពលោក កម្ពុជា យើងប្រើប្រាស់ ៥០ ភាគរយតែឯង