ម៉ាឡេស៊ី សម្រេចបើកព្រំដែនទាំងស្រុង ឲ្យចូលមិនចាំបាច់ធ្វើចត្តាឡីស័ក

ក្រុមប្រឹក្សាស្ដារជាតិម៉ាឡេស៊ី (NRC) បានយល់ព្រមឲ្យបើកព្រំដែនរបស់ប្រទេសទាំងស្រុងនៅមីនា ដើម្បីគាំទ្រដល់ការស្តារសេដ្ឋកិច្ចរបស់ប្រទេសឡើងវិញ។

ប្រធាន NRC លោក Muhyiddin Yassin បានប្រាប់សន្និសីទសារព័ត៌មាននៅថ្ងៃអង្គារទី៨ខែកុម្ភៈថា ខ្លួនបានយល់ព្រមបើកព្រំដែនពេញលេញនៅថ្ងៃទី១ខែមីនា ដោយអនុញ្ញាតឲ្យអ្នកចូល មិនចាំបាច់ធ្វើចត្តាឡីស័កឡើយ។

ទោះបីជាយ៉ាងណាក៏ដោយ ការធ្វើតេស្តរកមេរោគកូវីដ-១៩ មុនពេលចេញដំណើរ និងពេលមកដល់ព្រំដែនត្រូវធ្វើ តាមការណែនាំរបស់ក្រសួងសុខាភិបាល។

លោកនិយាយ​បន្ទាប់​ពី​ធ្វើ​ជា​ប្រធាននៃ​កិច្ច​ប្រជុំ NRC ថា​ “ការ​បើក​ព្រំដែន​ជាតិ ចាំបាច់​ត្រូវតែ​អនុវត្ត​តាម​របៀប​ដែល​បាន​គ្រោងទុក និង​ផ្អែក​លើ​ការ​វាយ​តម្លៃ​ហានិភ័យ​បច្ចុប្បន្ន”។

លោក Muhyiddin បានបន្ថែមថា ក្រសួងសុខាភិបាលនឹងប្រកាសព័ត៌មានលម្អិតទាំងស្រុងអំពីតម្រូវការ និងនីតិវិធីប្រតិបត្តិការស្តង់ដារ នៃការបើកព្រំដែនឡើងវិញក្នុងពេលឆាប់ៗនេះ។

លោកក៏បានបញ្ជាក់ផងដែរ​ថា ព្រំដែន​នឹង​បើក​ចំហ​សម្រាប់​គ្រប់​ប្រទេសទាំងអស់៕

ប្រែសម្រួល៖ Vann Vann

ប្រភព៖ CNA

ចុចអាន៖ ម៉ាឡេស៊ី រកឃើញអ្នកឆ្លងកូវីដ ក្នុងកម្រិតបំបែកកំណត់ត្រា ៣ថ្ងៃជាប់គ្នា