ព័ត៌មានអន្ដរជាតិ

ឥឡូវឆ្លងកូវីដសរុបជាសកលឡើងជាង៤០០លាននាក់ ឯអ្នកស្លាប់ជាង៦លាននាក់

បានផុស

៣ years មុន

នៅ

ថ្ងៃព្រហស្បតិ៍ ១០ កុម្ភៈ ២០២២

ដោយ

ករណីឆ្លងកូវីដ-១៩ទូទាំងពិភពលោកបានឈានដល់ជាង៤០០លាននាក់ហើយគិតត្រឹមថ្ងៃអង្គារ៍ម្សិលមិញ។ នេះបើយោងតាមទិន្នន័យរបស់ទីភ្នាក់ងារសារព័ត៌មាន Reuters។ ការកើនឡើងលឿនឆាប់រហ័សបែបនេះដោយសារតែវីរុសបំប្លែងខ្លួន Omicron កំពុងរាតត្បាតខ្លាំង។

វីរុសបំប្លែងខ្លួន Omicron ដែលគ្របដណ្តប់ទូទាំងពិភពលោកនាពេលបច្ចុប្បន្នគឺស្ទើរតែករណីឆ្លងថ្មីប្រចាំថ្ងៃទាំងអស់។ ខណៈពេលករណីឆ្លងរាលដាលជាច្រើនប្រទេស ឥឡូវនេះការឆ្លងជាមធ្យមជាង២លាននាក់ក្នុងមួយៗថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះករណីស្លាប់វិញបានកើតឡើងដល់ទៅ៧០%ក្នុងរយៈពេល៥សប្តាហ៍ចុងក្រោយដោយផ្អែកលើជាមធ្យម៧ថ្ងៃ។ ឥឡូវនេះ កូវីដ-១៩បានសម្លាប់មនុស្សសរុបទូទាំងពិភពលោកឡើងដល់ជាង៦លាននាក់ហើយ។

នៅខណៈពេលភស្តុតាំងដំបូងពីប្រទេសជាច្រើនបង្ហាញថា Omicron មានអាការឈឺស្រាលជាងវីរុសបំប្លែងខ្លួនមុនៗ ប៉ុន្តែចំនួនឆ្លងកាន់តែច្រើនអាចធ្វើឲ្យប្រព័ន្ធសុខាភិបាលទូទាំងពិភពលោកកាន់តែលំបាកទ្រាំទ្រ។

វាត្រូវការពេលត្រឹមតែជាងមួយខែប៉ុណ្ណោះដែលករណីឆ្លងពី៣០០លាននាក់ឡើងទៅដល់ជាង៤០០លាននាក់ បើប្រៀបធៀបនឹងរយៈពេលដល់ទៅ៥ខែដែលចំនួនឆ្លងចាប់ពី២០០លាននាក់ឡើងទៅដល់៣០០លាននាក់។

ប្រទេសឈានមុខគេទាំង៥បានរយការណ៍ពីករណីឆ្លងថ្មីច្រើនជាងគេបំផុតក្នុងរយៈពេលមធ្យម៧ថ្ងៃ។ ប្រទេសទាំងនោះគឺសហរដ្ឋអាមេរិក បារាំង អាល្លឺម៉ង់ រុស្ស៊ី និងប្រេស៊ីល ដែលសរុបមានដល់៣៧%នៃករណីឆ្លងថ្មីទាំងអស់ទូទាំងពិភពលោកដែលត្រូវបានរាយការណ៍៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩