សន្តិសុខសង្គម
Update៖ លំអិតករណីអគ្គិភ័យឆេះផ្ទះនៅសង្កាត់ស្ទឹងមានជ័យទី៣
ផ្ទះបើកជួសជុលម៉ូតូមួយកន្លែង ត្រូវអគ្គីភ័យឆាបឆេះបំផ្លាញអស់ហ្មត់គ្មានសល់ទាំងផ្ទះ និងទ្រព្យសម្បត្តិដែលមាននៅខាងក្នុង បង្កអោយមានការភ្ញាក់ផ្អើលជាខ្លាំងនៅវេលាម៉ោង១៣និង៤០នាទីថ្ងៃទី១១ ខែកុម្ភះ ឆ្នាំ២០២២ នៅតាមបណ្តោយផ្លូវទ្រុងមាន់ ស្ថិតក្នុងភូមិទ្រា៤ ក្នុងសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។ ផ្ទះរងគ្រោះជាប្រភេទសំណាងសង់ពីដែកប្រក់សង្ក័សី មានទំហំប្រមាណ៤ម៉ែត្រ គុណ៦ម៉ែត្រ ។
យោងតាមប្រភពព័ត៌មានអោយដឹងថា នៅមុនកើតហេតុ ម្ចាស់ផ្ទះមិនបាននៅនោះទេ ដោយបានចេញទៅក្រៅ ហើយចាក់សោរចោល ។ លុះដល់វេលាកើតហេតុ ក៏ស្រាប់តែមានសម្លេងផ្ទុះ និងមានអណ្តាតភ្លើង លាយលំជាមួយផ្សែងខ្មួរខ្មាញ់ហ៊ុយឆាបឆេះឡើងយ៉ាងសន្ធោសន្ធៅតែម្តង បង្កអោយមានការភ្ញាក់ផ្អើលជាខ្លាំង ដល់បងប្អូនពលរដ្ឋក្បែរខាង ជួយទាក់ទងទៅអាជ្ញាធរមានសមត្ថកិច្ច ដើម្បីសុំកិច្ចអន្តរាគមន៍ ។
បន្ទាប់ពីទទួលបានព័ត៌មានហើយនោះ កម្លាំងអាជ្ញាធរមូលដ្ឋាន មានខាងសង្កាត់ កម្លាំងនគរបាល និងកម្លាំងកងអាវុធហត្ថ រួមទាំងរថយន្តពន្លត់អគ្គីភ័យជាច្រើនគ្រឿងបានចុះអន្តរាគមន៍ដល់ទីតាំងកើតហេតុ ដើម្បីធ្វើការអន្តរាគមន៍បាញ់ទឹកទប់ស្កាត់អណ្តាតភ្លើងដែលកំពុងឆាបឆេះ ។
ក្រោយការខិតខំអន្តរាគមន៍ ប្រមាណជិត១ម៉ោងរួចមក អណ្តាតភ្លើងត្រូវបានរលត់សូន្យសុងទៅវិញ១០០ភាគរយ ដោយបានបំផ្លាញផ្ទះខាងលើ អស់ហ្មត់ទាំងស្រុង និងបានរាលដាលទៅផ្ទះបើកអាជីវកម្មធ្វើស្លាកយីហោ នៅជាប់នោះ រងការខូចខាតអស់មួយចំហៀងផ្ទះផងដែរ ។
ក្នុងករណីនេះដែរ សមត្ថកិច្ចជំនាញបានប្រើប្រាស់រថយន្តពន្លត់អគ្គិភ័យ អស់សរុប០៨គ្រឿង ទើបអាចគ្រប់គ្រងស្ថានការណ៍បាន ។
ជុំវិញហេតុការណ៍ដដែលនេះ បើតាមការអោយដឹងពីបុរសជាម្ចាស់ផ្ទះ ( ផ្ទះជួលគេ ) បានបញ្ជាក់ថា នៅមុនកើតហេតុ រូបគាត់ បានយកគ្រឿងម៉ាស៊ីនម៉ូតូទៅជួសជុលនៅអូរឬស្សី ដោយចាក់សោទ្វារផ្ទះចោល ។ ហើយមុននឹងចេញទៅខាងក្រៅនោះ គាត់ក៏បានបិទប្រព័ន្ធអគ្គិសនីផ្សេងៗនៅក្នុងផ្ទះទៅហើយដែរ ស្រាប់តែត្រឡប់មកវិញ ក៏ឃើញផ្ទះត្រូវឆេះតែម្តងទៅ ។
ប្រភពបន្តថា នៅក្នុងផ្ទះក៏មានធុងហ្គាសធំមួយដែរ សម្រាប់ប្រាស់ចម្អិនដាំស្លរម្ហូបអាហារហូប ប៉ុន្តែមុនចាកចេញទៅខាងក្រៅ ក៏បានបិទធុងហ្គាសដូចគ្នា តែមិនដឹងថាយ៉ាងមិច បានជាមានភ្លើងអាចឆាបឆេះបានបែបនេះនោះ ។
បច្ចុប្បន្នបុរសជាអ្នកជួលផ្ទះខាងលើ ស្នាក់នៅជាមួយប្រពន្ធ ដែលជាកម្មការនីរោងចក្រ ដោយមានកូន២នាក់ តែត្រូវបានយកទៅផ្ញើនឹងឪពុកម្តាយ នៅឯស្រុកកំណើត ៕
អត្ថបទ៖ លីហេង
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
បទ «រំលស់ប្រពន្ធ» របស់ តន់ ចន្ទសីម៉ា កំពុងផ្ទុះ Viral ខ្លាំង ជាប់ Treding លេខ ១
សង្ស័យថា តារាម៉ូដែល Naomi កិបកេងលុយសប្បុរស ស្របពេលរឿងអាស្រូវដើរធ្វើបាបគេធ្លាយជាថ្មី
Update ៖ អគ្គិភ័យឆាបឆេះផ្ទះ ០៨ ខ្នង និងរងរបួសក្រុមពន្លត់អគ្គិភ័យកាណូតម្នាក់ នៅខណ្ឌឫស្សីកែវ
សម្តេចតេជោ ហ៊ុន សែន៖ កូនៗ ចៅៗ នៅអង្គការអាហ្វេស៊ីប ត្រូវសិក្សាយ៉ាងហោចចប់បរិញ្ញាបត្ររង
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
អាកាសយានដ្ឋានអន្តរជាតិតារាសាគរ ហោះហើរធ្វើតេស្តសាកល្បងត្រួតពិនិត្យឧបករណ៍បច្ចេកទេសឡើងវិញ ត្រៀមហោះហើរយន្តហោះខ្នាតតូច ចុងខែវិច្ឆិកាខាងមុខ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ