កីឡា
យប់នេះបើកឆាក កម្ពុជា ប៉ះ ព្រុយណេ មុខអ្នកគាំទ្រជាង២ម៉ឺននាក់
ព្រឹត្តិការណ៍ប្រកួតបាល់ទាត់ជើងឯកយុវជនអាស៊ីអាគ្នេយ៍អាយុក្រោម២៣ឆ្នាំ (AFF U23 Championship) ឆ្នាំ២០២២ដែលកម្ពុជាធ្វើម្ចាស់ផ្ទះបើកឆាកប្រកួតថ្ងៃទី១៤ ខែកុម្ភៈនេះហើយ។
បើកឆាកពូល A ក្រុម U23 ទីម័រខាងកើត ប្រកួតជាមួយ U23 ហ្វីលីពីន វេលាម៉ោង៤រសៀល ខណៈគូទី៣ ម្ចាស់ផ្ទះ U23 កម្ពុជាប្រកួតជាមួយ U23 ព្រុយណេ វេលាម៉ោង៧យប់។ ការប្រកួតទាំងពីរគូនៅពហុកីឡដ្ឋានជាតិមរតកតេជោដែលមានកម្រិតស្តង់ដារអន្តរជាតិ និងថ្មីសន្លាង ព្រមទាំងផ្សាយផ្ទាល់ដោយទូរទស្សន៍ BTV។
វាជាការប្រកួតពោរពេញដោយថាមពល និងកម្លាំងចិត្តសម្រាប់ក្រុមយុវជនគោព្រៃកម្ពុជាដែលជាការប្រកួតផ្លូវការលើកដំបូងនៅលើទីលាននៃពហុកីឡដ្ឋានជាតិមរតកតេជោទើបតែកសាងរួចជាស្ថាពរកាលពីពេលថ្មីៗនេះ។
ជាពិសេសទៀតនោះ នេះជាការប្រកួតដ៏អស្ចារ្យមួយនៅចំពោះមុខអ្នកគាំទ្រយ៉ាងច្រើន បន្ទាប់ពីមិនមានអ្នកទស្សនាផ្ទាល់ដោយសារវិបត្តិកូវីដ-១៩។ តាមការឲ្យដឹងពីសហព័ន្ធកីឡាបាល់ទាត់កម្ពុជាថា សំបុត្រដាក់លក់សម្រាប់អ្នកគាំទ្រចូលទស្សនាផ្ទាល់ចំនួន២៥០០០សន្លឹក ហើយបើគិតត្រឹមថ្ងៃអាទិត្យម្សិលមិញ សំបុត្រនៅសល់តែ៥០០០សន្លឹកប៉ុណ្ណោះ។ ដូច្នេះគិតទាំងការលក់ល្ងាចថ្ងៃអាទិត្យ និងថ្ងៃចន្ទនេះ ព្រមទាំងលក់នៅពហុកីឡដ្ឋានផ្ទាល់មុនការប្រកួត ប្រហែលជាមិនសល់ទេចំពោះសំបុត្រសល់៥០០០សន្លឹកនោះ។
ប្រការនេះមានន័យថា ម្ចាស់ផ្ទះកម្ពុជានឹងលេងនៅចំពោះមុខអ្នកគាំទ្រផ្ទាល់របស់ខ្លួនជាង២ម៉ឺននាក់ និងលើទីលានស្តង់ដារអន្តរជាតិ។ បន្ថែមលើពីនេះ អ្នកចាត់ការសញ្ជាតិជប៉ុន លោក Keisuke Honda បានមកដឹកនាំផ្ទាល់ ដូច្នេះក្តីសង្ឃឹមទទួលបាន៣ពិន្ទុក្នុងការបើកឆាកពិតជាខ្ពស់។
នេះជាលើកទី២ហើយដែលកម្ពុជាទទួលធ្វើម្ចាស់ផ្ទះរៀបចំការប្រកួតពានរង្វាន់ AFF U23 Championship បន្ទាប់ពីលើកទី១កាលពីឆ្នាំ២០១៩។ កាលនោះ ក្រុម U23 កម្ពុជាធ្វើបានយ៉ាងល្អក្នុងវគ្គសន្សំពិន្ទុក្នុងពូល បន្ទាប់ពីប្រកួត៣លើកគឺឈ្នះ២ និងចាញ់១ និងឈរនៅចំណាត់ថ្នាក់លេខ១ក្នុងពូល។ ប៉ុន្តែការប្រកួតវគ្គពាក់កណ្តាលផ្តាច់ព្រ័ត្រចាញ់ថៃដោយទាត់កាត់សេចក្តីប៉េណាល់ទី៥-៣ ក្រោយស្មើគ្នា ០-០។ ការប្រកួតយកចំណាត់ថ្នាក់លេខ៣ កម្ពុជាចាញ់វៀតណាម ០-១ ហើយទទួលបានចំណាត់ថ្នាក់លេខ៤៕
អត្ថបទ៖ វីរបុត្រ
២០២៥ ស្វាយកែវរមៀតខេត្តក្រចេះ ប្រមូលផលបានមុនគេបង្អស់ ខណៈតម្លៃទីផ្សារធ្លាក់ចុះខ្លាំង
លោក ឈាង រ៉ា អំពាវនាវដល់អង្គការជាតិ និងអន្តរជាតិ បន្តជួយវិស័យសុខាភិបាលសម្រាប់បង្ការការធ្វើអត្តឃាត
តម្លៃប្រេងអន្តរជាតិធ្លាក់ចុះ ជុំវិញគម្រោងបង្កើនផលិតកម្មប្រេងអាមេរិក របស់ ត្រាំ
ខ្យល់ពុលនៅថៃ ធ្ងន់ខ្លាំង ដល់ថ្នាក់ក្រសួងសុំឲ្យប្រជាជនធ្វើការពីផ្ទះ ឯបាងកក ក៏បិទសាលារៀន
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់