ព័ត៌មានអន្ដរជាតិ

ឥឡូវនេះ ហានិភ័យជំងឺកូវីដនៅហ្វីលីពីនទាបហើយ

បានផុស

៣ years មុន

នៅ

ថ្ងៃពុធ ១៦ កុម្ភៈ ២០២២

ដោយ

ឥឡូវនេះ ប្រទេសហ្វីលីពីនមាន«ហានិភ័យទាប»ពីជំងឺកូវីដ-១៩ នៅពេលប្រជាជនចាក់វ៉ាក់សាំងកាន់តែច្រើន ហើយអ្នកជំងឺចូលមន្ទីរពេទ្យថយចុះ។ នេះជាការឲ្យដឹងពីអ្នកនាំពាក្យរបស់លោកប្រធានាធិបតី Rodrigo Duterte កាលពីថ្ងៃអង្គារ៍ ទី១៥ ខែកុម្ភៈ។

កាលពីសប្តាហ៍មុន ហ្វីលីពីនបានបើកដំណើរការឡើងវិញសម្រាប់ការទទួលភ្ញៀវទេសចរបរទេសជាលើកដំបូង ក្នុងរយៈពេលពីរឆ្នាំចុងក្រោយ ទោះជាការរឹតបន្តឹងផ្នែកសុខាភិបាលនៅបន្តមួយចំនួនស្របពេលយុទ្ធនាការណ៍ឃោសនាបោះឆ្នោតចាប់ផ្តើមនាថ្ងៃទី៩ ខែឧសភា ដែលអ្នកនយោបាយកំពុងជួបជុំអ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យប្រធានាធិបតី Duterte លោក Karlo Nograles បានប្រាប់អ្នកសារព័ត៌មានថា ៖«តំបន់ក្នុងទីក្រុង និងហ្វីលីពីនទាំងមូលឥឡូវនេះមានចំណាត់ថ្នាក់ហានិភ័យទាប ក្នុងលក្ខខណ្ឌនៃការកើនឡើងចំនួនឆ្លង ស្ថានភាព និងសមត្ថភាពប្រព័ន្ធសុខាភិបាល»។

មន្ត្រីសុខាភិបាលបាននិយាយថា ករណីឆ្លងថ្មីប្រចាំថ្ងៃជាមធ្យម៣៦០០នាក់កាលពីសប្តាហ៍មុន ខណៈចំនួននៃអ្នកចាក់វ៉ាក់សាំងពេញដូសបានកើនឡើងប្រហែល៥៦%នៃប្រជាជន។

យោងតាមទិន្នន័យរដ្ឋាភិបាលបង្ហាញថា ប្រទេសហ្វីលីពីនមានករណីឆ្លងកូវីដសរុបជាង៣.៦លាននាក់ និងស្លាប់ជាង៥៥០០០នាក់៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសហ្វីលីពីន