KPT+

ក្លាយជាសេដ្ឋីនីក្នុងវ័យ ២៤ ឆ្នាំ តើតារាសម្ដែង Zendaya បង្កើតវាយ៉ាងម៉េច?

បានផុស

៤ years មុន

នៅ

ថ្ងៃសៅរ៍ ១២ ធ្នូ ២០២០

ដោយ

Sonya

កញ្ញា Zendaya មានឈ្មោះពេញ Zendaya Maree Stoermer Coleman ជាតារាសម្ដែងនិងជាអ្នកចម្រៀងជនជាតិអាមេរិកជាច្រើនឆ្នាំមកហើយ។ រីឯនៅលើបណ្ដាញសង្គមនាងមានអ្នកតាមដានជិត ៨០ លាននាឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Zendaya រកលុយបានតាំងពីនាងនៅតូច មុនពេលក្លាយជាតារាសម្ដែងសព្វថ្ងៃនេះ នាងបានចាប់ផ្ដើមអាជីពបង្ហាញម៉ូតដនិងរាំ និងធ្លាប់ផ្សាយពាណិជ្ជកម្មសម្រាប់ប្រដាប់ប្រដាក្មេងលេង នៅក្នុងកម្មវិធីទូរទស្សន៍ iCarly ។ Zendaya ក៏បានបង្ហាញខ្លួនជាអ្នករាំបម្រុងក្រៅឆាកនៅក្នុងពាណិជ្ជកម្ម Sears ដែលសម្ដែងដោយ Selena Gomez និងនៅក្នុងវីដេអូចម្រៀងសម្រាប់ Kidz Bop version នៃបទ “Hot n Cold” របស់តារាចម្រៀង Katy Perry ។

ជោគជ័យដ៏ធំរបស់ Zendaya បានកើតឡើងនៅពេលដែលនាងបានចូលសម្ដែងជា Rocky Blue ឆ្នាំ ២០១០ នៅក្នុងរឿង Shake It Up របស់ Disney ។ នាងបានសម្ដែងក្នុងខ្សែភាពយន្ត Disney ជាច្រើនដែលរួមមាន Frenemies និង Zapped ក្នុងឆ្នាំ ២០១៤ និងបានចូលបម្រើការងារនៅ K.C នៅក្នុងស៊េរីប៉ុស្តិ៍ឌីជីថលមួយទៀត ដែលមានឈ្មោះថា K.C. Undercover។

Zendaya បានបង្ហាញខ្លួនជាលើកដំបូងនៅលើកញ្ចក់ទូរទស្សន៍ដោយសម្ដែងជាតួ MJ Jones ក្នុងខ្សែភាពយន្ត Spider-Man៖ Homecoming ដែលបានចេញផ្សាយកាលពីខែកក្កដាឆ្នាំ ២០១៧។ ខ្សែភាពយន្តនេះរកចំណូលបាន ៨៨០ លានដុល្លារនៅទូទាំងពិភពលោក។ នៅឆ្នាំដដែលនោះ នាងបានសម្ដែងជាតួឯកក្នុងរឿង The Greatest Showman។ លើសពីនេះទៀតនាងក៏បានផលិតខ្សែភាពយន្តមួយដែលមានចំណងជើងថា “ White Lie” និយាយអំពីស្ត្រីជនជាតិអាមេរិកកាត់អាហ្វ្រិកម្នាក់ ក្នុងទសវត្សឆ្នាំ ១៨៩០ ។

តារាស្រីរូបនេះក៏បានចេញផ្សាយខ្សែភាពយន្តដាច់ដោយឡែកមួយ ជាមួយលោក John David Washington មានចំណងជើង Malcolm និង Marie។ យោងតាមគេហទំព័រ Deadline បានឲ្យដឹងថាក្រុមហ៊ុន Netflix ទើបតែទទួលបានសិទ្ធិចាក់ផ្សាយខ្សែភាពយន្តនេះ ក្នុងកិច្ចព្រមព្រៀងតម្លៃ ៣០ លានដុល្លារ។

ទោះយ៉ាងណា ការសម្ដែងមិនមែនជាប្រភពចំណូលតែមួយរបស់នាងឡើយ។ មិនយូរប៉ុន្មាននាងក៏បានក្លាយតារាសម្ដែងដំបូងក្នុងតន្ត្រីរបស់ខ្លួនផងដែរ។ ក្នុងឆ្នាំ ២០១១ នាងបានចេញបទចម្រៀងដំបូងដែលមានចំណងជើងថា “ Swag It Out” និងបទ “ Watch Me” ដែលសម្ដែងដោយតារាហូលីវូដដ៏ល្បីល្បាញនាង Bella Thorne ។

ទោះបីជាមានអាជីពជាអ្នកចម្រៀងនិងសម្ដែង នាងក៏បានចាប់ផ្ដើមពង្រឹងខ្លួនជាអ្នករចនាម៉ូដោឲផងខដែរ។ នោះហើយជាមូលហេតុដែលនាងចុះកិច្ចព្រមព្រៀងជាឯកអគ្គរដ្ឋទូតយីហោរបស់ក្រុមហ៊ុនសម្រស់មួយចំនួន និងម៉ាកល្បីៗ ដូចជា CoverGirl, Chi Hair Care និង Lancôme ហើយធ្លាប់បានសម្ដែងជាលក្ខណៈពាណិជ្ជកម្មឲ្យ Beats ដោយ Dr. Dre Color ថែមទៀត។

មកទល់បច្ចុប្បន្ននេះទ្រព្យសម្បត្តិសុទ្ធរបស់ Zendaya មានតម្លៃ ១៥ លានដុល្លារ ក្នុងពេលនាងមានអាយុត្រឹមតែ ២៤ ឆ្នាំប៉ុណ្ណោះ នេះបើយោងតាមគេហទំព័រ celebritynetworth.com បានបង្ហាញប្រាប់៕

ប្រែសម្រួល៖ សាង ស្រីល័ក្ខ

ប្រភព៖ seventeen

ចុចអាន៖ មេរៀនជីវិតក្នុងវិស័យសិល្បៈរបស់តារាចម្រៀងរ៉េប Nipsey Hussle

ចុចអាន៖ ត្រឡប់ក្រោយមើលពីប្រវត្តិ Selena Gomez មុនឆ្នាំ ២០២០