ស្លាប់ជិត១០០នាក់ ក្នុងការបាក់ដីនិងជំនន់ទឹកភ្លៀង កម្ទេចទីក្រុងរបស់ប្រេស៊ីល

មនុស្សចំនួន៩៤នាក់បានស្លាប់ក្នុងការបាក់ដី និងជំនន់ទឹកភ្លៀង នៅទីក្រុង Petrópolis ប្រទេសប្រេស៊ីល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុងដែលស្ថិតនៅលើភ្នំភាគខាងជើងទីក្រុង Rio de Janeiro មួយនេះ ត្រូវបានវាយប្រហារដោយភ្លៀងធ្លាក់ខ្លាំងឥតឈប់ឈរ។

ស្របពេលជាមួយគ្នានោះដែរ អភិបាលក្រុងបានប្រកាសដាក់ ទីក្រុងក្នុងគ្រាអាសន្ន។

ក្រុមស្វែងរក និងជួយសង្គ្រោះ កំពុងរកអ្នកនៅរស់រានមានជីវិត ខណៈក្រសួងការពារជនស៊ីវិលជាតិ បានបង្ហោះនៅលើ Twitter ថា គិតត្រឹមពេលនេះ មនុស្សចំនួន២៤នាក់ ត្រូវបានជួយសង្គ្រោះ ហើយអ្នកស្លាប់ចំនួន៩៤នាក់ត្រូវបានបញ្ជាក់។

ទាហានជាង ១៨០ នាក់ត្រូវបានដាក់ពង្រាយ ហើយក្រុមស្វែងរកជំនាញបន្ថែមទៀតត្រូវបានគេរំពឹងថានឹងមកដល់នៅពេលក្រោយ។

គួរបញ្ជាក់ថា ទីក្រុង Petrópolis គឺជាគោលដៅទេសចរណ៍ដ៏ពេញនិយមមួយ ប៉ុន្តែ​ទីតាំង​របស់​វា ​ក៏​ងាយ​នឹង​រងគ្រោះដោយការបាក់​ដី​ផង​ដែរ​។

ឧបទ្ទវហេតុដ៏អាក្រក់បំផុតបានកើតឡើងក្នុងឆ្នាំ២០១១ នៅពេលមនុស្សជាង ៩០០ នាក់ត្រូវបានសម្លាប់ ក្នុងការបាក់ដីដែលវាយប្រហារទីក្រុង Petrópolis និងទីក្រុងជិតខាង៕

ប្រែសម្រួល៖ Vann Vann

ប្រភព៖ BBC

ចុចអាន៖ ស្លាប់និងរបួសជិត ៣០០នាក់ ដោយសារទឹកជំនន់ធ្ងន់ធ្ងរនៅ ប្រេស៊ីល