ព័ត៌មានជាតិ

អភិបាលខេត្តខេត្ត បន្ទាយមានជ័យ បន្តឲ្យប្រជាជនចូលរួមបង្ការទប់ស្កាត់វីរុសកូវីដ.១៩ ទោះបីអ្នកអវិជ្ជមានពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា មានការថមថយខ្លះៗហើយក្តី

បានផុស

៤ years មុន

នៅ

ថ្ងៃសុក្រ ១១ ធ្នូ ២០២០

ដោយ

លោក អ៊ុ រាត្រី អភិបាលខេត្តបន្ទាយមានជ័យនៅតែបន្តឲ្យប្រជាជនចូលរួមបង្ការទប់ស្កាត់វីរុសកូវីដ.១៩ជាប្រចាំ បើទោះបីមន្ទីរសុខាភិបាលខេត្តបន្ទាយមានជ័យ រកឃើញសុទ្ធតែអ្នកអវិជ្ជមានពាក់ព័ន្ធនឹងព្រឹត្តិការណ៍ សហគមន៍២៨វិច្ឆិកា មានការថមថយខ្លះៗហើយក្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី១១ ខែធ្នូ ឆ្នាំ២០២០លោក អ៊ុ រាត្រី បានប្រាប់អ្នកយកព័ត៌មានឲ្យដឹងថាដោយអនុវត្តតាមការណែនាំរបស់សម្ដេចតេជោហ៊ុនសែន និងក្រសួងសុខាភិបាលតែងតែចេញផ្សព្វផ្សាយនូវសេចក្ដីណែនាំតាមរយៈសារសម្លេងអំពាវនាវឲ្យប្រជាពលរដ្ឋចូលរួមសាមគ្គីគ្នា បង្ការ ទប់ស្កាត់ ការឆ្លងរីករាលដាល នូវជំងឺកូវីដ.១៩ ឲ្យបានជាប់ជាប្រចាំ។ ជាក់ស្តែងចាប់តាំងពីថ្ងៃទី៧ រហូតដល់ថ្ងៃទី១១ ខែធ្នូនេះ មានរថយន្ត ម៉ូតូកង់បី និងម៉ូតូជាច្រើនគ្រឿង ដែលបំពាក់ដោយគ្រឿងឧគ្ឃោសនស័ព្ទបំពងសម្លេងនៅតែបន្តចេញផ្សព្វផ្សាយ និង អំពាវនាវឲ្យប្រជាពលរដ្ឋ ឲ្យមានការប្រុងប្រយ័ត្ន និងចូលរួម បង្ការ ទប់ស្កាត់ ការឆ្លងរីករាលដាល នូវជំងឺ កូវីដ-១៩ នេះឲ្យបានខ្ពស់បំផុត ពិសេសចូលរួមទប់ស្កាត់កុំឲ្យមេរោគដ៏កាចសាហាវមួយនេះ ឆ្លងចូលក្នុងសហគមន៍ ក្នុងទ្រង់ទ្រាយធំជាដាច់ខាត បើទោះបីជាស្ថានភាពនៃការរកឃើញអ្នកអវិជ្ជមានពាក់ព័ន្ធនឹងព្រឹត្តិការណ៍ សហគមន៍២៨វិច្ឆិកា នេះមានការថមថយខ្លះៗ យ៉ាងណាក៏ដោយ ក៏លោកជំទាវ វេជ្ជបណ្ឌិត ឱ វណ្ណឌីន នៅតែទទូច សូមឲ្យប្រជាពលរដ្ឋកម្ពុជាទាំងអស់ ត្រូវតែបន្តការប្រុងប្រយ័ត្នបន្ថែមទៀត ព្រោះថាវីរុសនេះ បានឆ្លង ចូលទៅក្នុង សហគមន៍ ជាចង្កោមនិងដោយកន្លែង ហើយសព្វថ្ងៃនេះនៅមានហានិភ័យខ្ពស់នៅឡើយ៕ អត្ថបទដោយ ៖ វ៉ាន់ ណាង