ចរាចរណ៍

ពលករខ្មែរ ៣ នាក់ ស្លាប់ ក្នុងគ្រោះថ្នាក់ចរាចរណ៍នៅថៃ

បានផុស

៣ years មុន

នៅ

ថ្ងៃចន្ទ ២១ កុម្ភៈ ២០២២

ដោយ

យ៉ាងហោចណាស់ក៏មានពលករខ្មែរ ស្លាប់ ៣ នាក់ដែរ ក្នុងចំណោម ៧ នាក់ ខណៈដែលពួកគេបានធ្វើដំណើរតាមរថយន្តថៃ ក្នុងទិសដៅទៅកាន់ទីក្រុងបាងកក ហើយក៏បានបុកនឹងគូទរថយន្តធំពីក្រោយ។ ហេតុការណ៍នេះ បានកើតឡើងកាលពីវេលាម៉ោង ៣ ទៀបភ្លឺ កាលពីថ្ងៃទី ២០ ខែកុម្ភៈ ឆ្នាំ ២០២២ លើកំណាត់ផ្លូវលេខ ៣៥៩ ចន្លោះបង្គោលគីឡូម៉ែត្រលេខ ៥៤-៥៥ ក្នុងភូមិ១ ឃុំក្រកសំបូរ ស្រុកសិរីមហាពោធិ ខេត្តប្រាជីនបូរី ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបំភ្លឺពីសាក្សីបានបញ្ជាក់ថា នៅមុនពេលកើតហេតុ គឺមានរថយន្តមួយគ្រឿង ម៉ាកនីសាន់ណាវ៉ារ៉ា ពណ៌ស ពាក់ស្លាកលេខ ស្រះកែវ ៣៦០៩ បើកបរដោយជនជាតិថៃ គឺមកដឹកពលករខ្មែរចំនួន ៧ នាក់ ពីស្រុកអារញ្ញប្រាថេត បែរមុខទៅរកខេត្តឆៈឈើងសៅ។ សាក្សីបានបន្តថា លុះដល់ត្រង់ចំណុចកើតហេតុ ដោយសារតែរថយន្តមានល្បឿនលឿន និងដោយយប់ងងឹតផងនោះ ធ្វើឲ្យរថយន្តបានបុកទៅនឹងគូទរថយន្តសណ្តោង ដែលមានដឹកដើមប្រេងខ្យល់ពេញទ្រុង បណ្តាលឲ្យអ្នកបើកបរដែលជាជនជាតិថៃ និងពលករខ្មែរ ៣ នាក់ បានស្លាប់ភ្លាមៗនៅនឹងកន្លែង ឯពលករ ៤ នាក់ទៀតរងរបួសធ្ងន់ និងត្រូវបានបញ្ជូនទៅកាន់មន្ទីរពេទ្យ កាប៊ីនបុរី ។