ហេតុអ្វីសញ្ញា Z លើរថក្រោះរុស្ស៊ី ធ្វើឲ្យគេខ្លាច? ទាំងនេះជាការបកស្រាយ

អ្នកលេងបណ្តាញសង្គមកំពុងជជែកវែកញែកយ៉ាងក្តីគគុក អំពី​និមិត្តសញ្ញា Z ដ៏​អាថ៌កំបាំង ដែលគេឃើញនៅលើរថក្រោះរបស់រុស្ស៊ី ដោយ​អ្នក​ខ្លះអះអាងថា វាពិតជា​គួរឲ្យ​ខ្លាច។

រូបភាពរថក្រោះ យានជំនិះ និងឧបករណ៍បាញ់គ្រាប់រ៉ុកកែត ត្រូវបានចែកចាយនៅលើប្រព័ន្ធផ្សព្វផ្សាយសង្គម ចាប់តាំងពីមានរបាយការណ៍ថា រុស្ស៊ីកំពុងវាយប្រហារអ៊ុយក្រែន។

រថយន្តត្រូវ​បាន​គេ​មើល​ឃើញ​ថា​មាន​អក្សរ Z នៅ​ខាង​ក្នុងរាង​ការ៉េដ៏​ធំ​មួយ​ដែល​គូស​នៅ​ខាង​ក្រៅ ជាហេតុ​ធ្វើឲ្យ​អ្នក​ជំនាញ និង​សាធារណជន​មានការ​ងឿង​ឆ្ងល់យ៉ាងខ្លាំង។

អ្នកកាសែតស៊ើបអង្កេត Aric Toler បានអះអាងថា ទីភ្នាក់ងាររបស់គាត់ បានត្រួតពិនិត្យស្ថានការណ៍មិនឈប់ឈរអស់រយៈពេលប្រាំបីឆ្នាំមកហើយ ប៉ុន្តែមិនធ្លាប់ឃើញនិមិត្តសញ្ញាបែបនេះពីមុនមកសោះ។ ដូច្នេះ យើងសន្មត​ថា វាអាចជារឿង​អាក្រក់​បំផុត និងគួរឲ្យខ្លាច។

ចាប់តាំងពីពេលនោះមក អ្នកជំនាញផ្សេងទៀតបានថ្លឹងថ្លែងលើអត្ថន័យរបស់វា ខណៈដែលប្រភពយោធាក្នុងទីក្រុង គៀវ បានប្រាប់កាសែត The Sun កាលពីម្សិលមិញថា “សញ្ញានេះបញ្ជាក់ថា ការត្រៀមខ្លួនចុងក្រោយ គឺរួចរាល់ហើយ”។

“វាមានសារៈសំខាន់ណាស់ ដែលកម្លាំងវាយប្រហារណាមួយអាចត្រូវបានសម្គាល់ ជាពិសេសពីដែនអាកាស ដែលកងកម្លាំងរុស្ស៊ីនឹងមានការគ្រប់គ្រងពេញលេញ។ អ៊ុយក្រែនមានរថក្រោះ និងយានជំនិះស្រដៀងគ្នា ដូចច្នេះរុស្ស៊ីចង់កាត់បន្ថយហានិភ័យនៃការបាញ់ចំគ្នាឯង”។

ដោយឡែក អតីតមន្ត្រីចារកម្មលោក David Kime បានអះអាងថា ទាហានស៊ីឈ្នួលមកពីអង្គការយោធារុស្ស៊ីបានប្រាប់លោកថា Z គឺតំណាងឲ្យ Zelenskyy ដែលជាឈ្មោះរបស់ប្រធានាធិបតីអ៊ុយក្រែនបច្ចុប្បន្នគឺលោក Volodymyr Zelenskyy។ លោក Kime បានបន្ថែមថា Z តំណាងឲ្យ “ចំណុចដែលគ្មានការវិលត្រលប់”៕

ប្រែសម្រួល៖ Vann Vann

ប្រភព៖ Daily Star

ចុចអាន៖ Joe Biden ដាក់ពង្រាយទាហាន និងយន្តហោះចម្បាំង F-35 ទៅអឺរ៉ុប ខណៈស្ថានការណ៍ឡើងកម្តៅ