ព័ត៌មានអន្ដរជាតិ
ប្រទេសអាស៊ីណាខ្លះប្រតិកម្មលោក ពូទីន ក្រោយទទួលស្គាល់ឯករាជ្យតំបន់ ២ នៅ អ៊ុយក្រែន?
ការសម្រេចចិត្តរបស់ប្រធានាធិបតីរុស្ស៊ី វ្ល៉ាឌីមៀ ពូទីន ក្នុងការទទួលស្គាល់ឯករាជ្យនៃតំបន់បំបែកខ្លួនចំនួន ២ នៅភាគខាងកើតអ៊ុយក្រែន បានទាក់ទាញការថ្កោលទោស និងរិះគន់ដោយបណ្ដាប្រទេសជាច្រើន ហើយបានហៅវាថាជាការរំលោភលើកិច្ចព្រមព្រៀងអន្តរជាតិ ។
កាលពីល្ងាចថ្ងៃចន្ទលោក ពូទីន បានបញ្ជាឲ្យកងទ័ពរុស្ស៊ីទៅក្នុងតំបន់ឧទ្ទាមដែលគាំទ្រដោយទីក្រុងមូស្គូចំនួន ២ គឺតំបន់ Donetsk និង Luhansk ក្នុងប្រទេសអ៊ុយក្រែន ហើយចំណាត់ការរបស់រុស្ស៊ីបានកើតឡើង ចំពេលមានភាពតានតឹងជាច្រើនខែជុំវិញការដាក់ពង្រាយយោធារបស់ខ្លួននៅតាមព្រំដែននៃប្រទេសអ៊ុយក្រែន ដោយបង្កើនការភ័យខ្លាចនៃសង្គ្រាមដែលអាចកើតមានឡើង។
នេះជាបណ្ដាប្រទេសនៅអាស៊ីមានប្រតិកម្មចំពោះការប្រកាសរបស់លោក ពូទីន ៖
ចិន
ទីក្រុងប៉េកាំង ដែលជាសម្ព័ន្ធមិត្តជិតស្និទ្ធបំផុតរបស់រុស្ស៊ី មិនបានចូលរួមគាំទ្ររុស្ស៊ីនោះទេ ផ្ទុយទៅវិញបានអំពាវនាវឲ្យភាគីទាំងអស់ចៀសវាងសកម្មភាពណាមួយដែលអាចបង្កឲ្យមានភាពតានតឹង ។
លោក Zhang Jun ឯកអគ្គរដ្ឋទូតអង្គការសហប្រជាជាតិរបស់ប្រទេសចិនបានប្រាប់ក្រុមប្រឹក្សាសន្តិសុខអង្គការសហប្រជាជាតិថា “ស្ថានភាពបច្ចុប្បន្ននៅអ៊ុយក្រែនគឺជាលទ្ធផលនៃកត្តាស្មុគស្មាញជាច្រើន” ។
អ៊ីរ៉ង់
អ្នកនាំពាក្យក្រសួងការបរទេសលោក Saeed Khatibzadeh បាននិយាយថា អ៊ីរ៉ង់កំពុងឃ្លាំមើលយ៉ាងដិតដល់នូវការវិវត្តនៅអ៊ុយក្រែន ដោយអំពាវនាវឲ្យភាគីទាំងអស់ដោះស្រាយបញ្ហាតាមរយៈការសន្ទនា និងបដិសេធមិនចូលរួមក្នុងសកម្មភាពណាមួយដែលនឹងបង្កើនភាពតានតឹង ។
លោកបានបន្ថែមនៅក្នុងសេចក្តីថ្លែងការណ៍មួយថា “ជាអកុសល ការជ្រៀតជ្រែករបស់អង្គការណាតូ និងចលនាបង្កហេតុដែលដឹកនាំដោយសហរដ្ឋអាមេរិក បានធ្វើឲ្យស្ថានភាពក្នុងតំបន់កាន់តែស្មុគស្មាញ” ។
ជប៉ុន
នាយករដ្ឋមន្ត្រី Fumio Kishida បាននិយាយថា សកម្មភាពរបស់រុស្ស៊ីបានរំលោភលើអធិបតេយ្យភាព និងបូរណភាពទឹកដីរបស់អ៊ុយក្រែន ហើយមិនអាចអត់ឱនបានឡើយ ។
លោកបានបន្ថែមថា “ប្រសិនបើមានការឈ្លានពានកើតឡើង យើងនឹងសម្របសម្រួលការឆ្លើយតបដ៏រឹងមាំ រួមទាំងការដាក់ទណ្ឌកម្ម ការសម្របសម្រួលជាមួយក្រុមប្រទេស G7 និងសហគមន៍អន្តរជាតិ ខណៈពេលដែលកំពុងតាមដានស្ថានការណ៍យ៉ាងដិតដល់ ។
ឥណ្ឌា
ឯកអគ្គរដ្ឋទូតឥណ្ឌាប្រចាំអង្គការសហប្រជាជាតិបានជំរុញឲ្យភាគីទាំងអស់បង្ហាញ “ការអត់ធ្មត់” នៅពេលមានភាពតានតឹងកើនឡើង ។
លោកឯកអគ្គរដ្ឋទូត Tirumurti បាននិយាយថា “អាទិភាពភ្លាមៗគឺការបន្ថយភាពតានតឹង ដោយគិតគូរពីផលប្រយោជន៍សន្តិសុខស្របច្បាប់របស់ប្រទេសទាំងអស់ និងមានបំណងឆ្ពោះទៅរកការធានាសន្តិភាព និងស្ថិរភាពយូរអង្វែង និងលើសពីនេះទៅទៀតនៅក្នុងតំបន់” ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ពូទីន ទទួលស្គាល់ឯករាជ្យតំបន់ចំនួន២ ក្នុងប្រទេសអ៊ុយក្រែន ពេលនេះបញ្ជាឲ្យដាក់ទ័ពចូលទៅហើយ
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា