ព័ត៌មានអន្ដរជាតិ

ស្ត្រី អ៊ុយក្រែន សម្រាលកូនក្បែរអគារកំពុងឆេះ និងរថក្រោះ រុស្ស៊ី គួរឲ្យអាសូរ

បានផុស

៣ years មុន

នៅ

ថ្ងៃអាទិត្យ ២៧ កុម្ភៈ ២០២២

ដោយ

បន្ទាប់ពីរុស្ស៊ីវាយប្រហារអ៊ុយក្រែន ស្ត្រីមានផ្ទៃពោះម្នាក់បានសម្រាលកូននៅក្នុងជម្រកមួយកន្លែង ។ នេះបើយោងតាមសេចក្តីរាយការណ៍របស់ប្រព័ន្ធផ្សព្វផ្សាយក្នុងស្រុក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Kyiv Independent បាននិយាយកាលពីថ្ងៃសុក្រថា ស្ត្រីមានផ្ទៃពោះអាយុ ២៣ ឆ្នាំម្នាក់បានសម្រាលកូនស្រីនៅក្នុងស្ថានីយ៍រថភ្លើងក្រោមដីមួយកន្លែង ។

ការសម្រាលកូននេះកើតឡើង បន្ទាប់ពីប្រជាជនអ៊ុយក្រែនប្រើប្រាស់ស្ថានីយ៍រថភ្លើងក្រោមដីជាជម្រកដើម្បីការពារពីការវាយប្រហាររបស់រុស្ស៊ី ។

ចំណែកក្រសួងការបរទេសអ៊ុយក្រែនបាននិយាយនៅលើ Twitter ថា “ទារកបានកើតនៅក្នុងជម្រកមួយក្នុងទីក្រុង គៀវ ។ នៅផ្លូវក្រោមដីជាប់នឹងអគារដែលកំពុងឆេះ និងរថក្រោះរុស្ស៊ី យើងនឹងហៅនាងថា សេរីភាព! ជឿលើអ៊ុយក្រែន” ។

ទន្ទឹមនោះអភិបាលក្រុង Kherson លោក Ihor Kolyhaiev ក៏បាននិយាយថា ទារក ២ នាក់ផ្សេងទៀតក៏បានកើតផងដែរកាលពីយប់ថ្ងៃសុក្រនៅក្នុងទីក្រុងនេះ ៕