ជីវិតកម្សាន្ដ

អ្នកជំនាញកោសល្យវិច្ច័យ រកឃើញភស្តុតាងបន្ថែម ពាក់ព័ន្ធការស្លាប់របស់ Tangmo ហើយមនុស្ស២នាក់ ត្រូវចោទប្រកាន់

បានផុស

៣ years មុន

នៅ

ថ្ងៃចន្ទ ២៨ កុម្ភៈ ២០២២

ដោយ

អ្នកជំនាញផ្នែកកោសល្យវិច្ច័យ បានច្រានចោលរបាយការណ៍ដែលថា Tangmo ទៅខាងក្រោយទូកដើម្បីបត់ជើងតូច។ អ្នកជំនាញនិយាយថា នាងស្លៀកឈុតរឹបរាង ដែលជាហេតុធ្វើឲ្យលំបាកក្នុងការធ្វើបែបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្វើកោសល្យវិច័យបឋមបង្ហាញថា Tangmo មានខ្សាច់នៅក្នុងសួតរបស់នាង។ ទោះបីជាយ៉ាងណាក៏ដោយ លទ្ធផលពិនិត្យជាតិពុលត្រូវបានគេរំពឹងថានឹងចំណាយពេលប្រហែលប្រាំពីរថ្ងៃ។

រហូតមកដល់ពេលនេះ មានជនសង្ស័យចំនួន២នាក់ ត្រូវប្រឈមមុខនឹងការចោទប្រកាន់ក្នុងសំណុំរឿងនេះ។ អ្នកបើកទូក និងម្ចាស់ទូក ត្រូវប្រឈមនឹងការចោទប្រកាន់ពីបទបង្កឲ្យមានអ្នកស្លាប់ដោយការធ្វេសប្រហែស។

ប៉ូលិសម្នាក់និយាយថា ជនសង្ស័យទាំងពីរ បានទៅប៉ុស្តិ៍នគរបាលស្រុក មឿង កាលពីម្សិលមិញជាមួយមេធាវី ដើម្បីទទួលការចោទប្រកាន់នេះ ហើយបានដាក់ពាក្យសុំនៅក្រៅឃុំ។ អ្នកបើកទូកឈ្មោះ Paibul ក៏ប្រឈមមុខនឹងការចោទប្រកាន់ពីបទ បើកទូកជាមួយអាជ្ញាប័ណ្ណផុតកំណត់ផងដែរ។

ស្របពេលជាមួយគ្នានោះ កាសែតបាងកកប៉ុស្តិ៍បានរាយការណ៍ថា ម្តាយរបស់ Tangmo គឺលោកស្រី Panida ជឿថា ការស្លាប់របស់កូនស្រីគាត់ ពិតជាគួរឲ្យសង្ស័យ។ លោកស្រីមិនជឿថា Tangmo បត់ជើងតូចនៅខាងក្រោយទូកនោះទេ។ លោកស្រីក៏បាននិយាយផងដែរថា ប្រហែលជាមានអ្នកនៅលើទូកជាមួយ Tangmo មិនចង់ឲ្យនាងនៅទីនោះ ព្រោះមានរូបថតមួយសន្លឹកដែលបង្ហាញថា Tangmo អង្គុយតែម្នាក់ឯងនៅខាងក្រោយទូក យ៉ាងស្រងូតស្រងាត់។