ព័ត៌មានជាតិ

រថយន្តដឹកស្វាយ សង្ស័យបើកថយក្រោយមិនប្រយ័ត្ន កិនក្មេង២នាក់ស្លាប់ និងរបួស

បានផុស

៤ years មុន

នៅ

ថ្ងៃអាទិត្យ ១៣ ធ្នូ ២០២០

ដោយ

ក្មេងប្រុស២នាក់ ដែលជាបងប្អូនបង្កើត ខណៈកំពុងជិះម៉ូតូឌុបគ្នា នៅពីក្រោយរថយន្តធុនធ្ងន់ មិនដឹងជាថី ស្រាប់តែរថយន្តនោះថយក្រោយមកវិញ បណ្តាលឲ្យកិនទៅលើម៉ូតូ និងមនុស្សតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះដែលជាបងប្អូនបង្កើតនឹងគ្នាខាងលើ មានម្នាក់អាយុ១៥ឆ្នាំ បានស្លាប់ភ្លាមៗនៅនឹងកន្លែង និងម្នាក់ទៀត ទើបតែអាយុ១២ឆ្នាំ រងរបួស កំពុងសម្រាកព្យាបាលនៅមន្ទីរពេទ្យ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីថ្ងៃទី១២ ខែធ្នូ ឆ្នាំ២០២០ ត្រង់ចំណុចភូមិបួរ ឃុំបួរ ស្រុកភ្នំព្រឹក ខេត្តបាត់ដំបង លើកំណាត់ផ្លូវជាតិលេខ៥៩។

សាក្សីដែលបានឃើញហេតុការណ៍នេះ បានឲ្យដឹងថា ដំបូងគេឃើញរថយន្តដឹកស្វាយមួយគ្រឿង ម៉ាកហ៊ីយ៉ាន់ដាយ(Hyundai) ស្លាកលេខ ព្រះសីហនុ3A5304 បើកបរជាធម្មតា។ ខណៈពេលនោះដែរ ក៏ឃើញម៉ូតូមួយគ្រឿង មានក្មេងប្រុស២នាក់ ជិះពីក្រោយ។

ប្រភពដដែលបានបន្តឲ្យដឹងទៀតថា ខណៈរថយន្តបើកដល់ចំណុចកើតហេតុ មិនដឹងថាមានរឿងអ្វី ស្រាប់តែឈប់ ដោយភ្លាមៗនោះ ក៏បានថយក្រោយមកវិញ បណ្ដាលឲ្យកិនម៉ូតូ និងក្មេងប្រុសម្នាក់ស្លាប់ រីឯម្នាក់ទៀតរងរបួសជាទម្ងន់ ហើយត្រូវបានបញ្ជូនទៅសង្គ្រោះឯមន្ទីរពេទ្យខេត្តបាត់ដំបងផងដែរ។