ទាហានរុស្ស៊ី កំពុងឆ្ពោះទៅ រោងចក្រថាមពលនុយក្លេអ៊ែរ ធំបំផុតរបស់អឺរ៉ុប (មានវីដេអូ)

មន្ត្រីអ៊ុយក្រែននិយាយថា ទាហានរុស្ស៊ី កំពុងធ្វើដំណើរឆ្ពោះទៅរករោងចក្រថាមពលនុយក្លេអ៊ែរធំបំផុតរបស់អឺរ៉ុបហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអភិបាលក្រុង Energodar បានឲ្យដឹងថា​ ទាហានមួយជួរត្រូវបានគេប្រទះឃើញកំពុងធ្វើដំណើរទៅជិតរោងចក្រ Zaporizhzhia កាលពីល្ងាចថ្ងៃព្រហស្បតិ៍ទី០៣ខែមីនា។

មុននេះ អាជ្ញាធរអ៊ុយក្រែនបានរាយការណ៍ថា យោធារុស្ស៊ីកំពុងបង្កើនកិច្ចខិតខំប្រឹងប្រែងដើម្បីរឹបអូសយករោងចក្រ នៅភាគអាគ្នេយ៍ប្រទេសអ៊ុយក្រែន ហើយបានចូលទៅក្នុងទីក្រុង Energodar ជាមួយនឹងរថក្រោះ។

អភិបាលក្រុងលោក Dmytro Orlov បាននិយាយថា “ស្នូរការបាញ់ប្រហារខ្លាំងៗ អាចត្រូវបានគេឮនៅក្នុងទីក្រុង”។

គួរបញ្ជាក់ថា ​រោងចក្រ Chernobyl ​ដែលដំណើរការ ដែលមានចម្ងាយ​ប្រហែល១០០គីឡូម៉ែត្រ​ ភាគ​ខាងជើង​រដ្ឋធានី កៀវ របស់ប្រទេស​អ៊ុយក្រែន ត្រូវបានរុស្ស៊ី ដណ្តើមយករួចទៅហើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ សាធារណរដ្ឋឆែក ត្រៀមបញ្ជូនកាំភ្លើងយន្ត រាប់រយដើម ទៅជួយ អ៊ុយក្រែន