មហាសេដ្ឋី រុស្ស៊ី ជិតស្និទ្ធជាមួយ ពូទីន ពេលនេះ អាល្លឺម៉ង់ រឹបអូសនាវាតម្លៃជិត ២០ ពាន់លានដុល្លារហើយ

មន្ត្រីរដ្ឋាភិបាលអាល្លឺម៉ង់ បានរឹបអូសទូកទេសចរណ៍ប្រណីតតម្លៃជិត ២០ ពាន់លានដុល្លារ ដែលជាកម្មសិទ្ធិរបស់មហាសេដ្ឋីរុស្ស៊ី Alisher Usmanav ចតក្នុងទីក្រុង Hamburg ។

ការ​រឹបអូស​ទូក​កប៉ាល់​នេះ គឺ​ជា​ផ្នែក​មួយ​នៃ​ទណ្ឌកម្ម​សេដ្ឋកិច្ច​លើ​អ្នក​នយោបាយ និង​អ្នក​មាន​ឥទ្ធិពល​ដែល​មាន​ទំនាក់ទំនង​ជិតស្និទ្ធ​ជាមួយ​រដ្ឋាភិបាល​រុស្ស៊ី។ ជា​ការ​ឆ្លើយ​តប​នឹង​ការ​ឈ្លាន​ពាន​របស់​រុស្ស៊ី​មក​លើ​អ៊ុយក្រែន​ចាប់​តាំង​ពី​ថ្ងៃ​ទី ២៤ កុម្ភៈ

ទស្សនាវដ្ដី Forbes បានលាតត្រដាង​រឿងនេះ ដោយ​ដក​ស្រង់​ព័ត៌មាន​ពី​ប្រភព​ព័ត៌មាន​ចំនួន​បី​ក្នុង​ឧស្សាហកម្ម​ទូក​ក្ដោង​នោះ។ នាវា Dilbar ប្រវែង ១៥៦ ម៉ែត្រ គឺជានាវាដ៏ធំបំផុតក្នុងបរិមាណសរុប ១៥.៩១៧ តោន ហើយត្រូវបានអាជ្ញាធរអាល្លឺម៉ង់រឹបអូសកាលពីថ្ងៃពុធ ។ នាវានេះ ក៏ត្រូវបានគេមើលឃើញថា ចតនៅឯកន្លែងផលិតកប៉ាល់ Blohm und Foss ចាប់តាំងពីចុងខែតុលាឆ្នាំមុន។

សូមរំលឹកថា លោក Usmanav បានទិញនាវានេះ ពីអ្នកសាងសង់កប៉ាល់អាល្លឺម៉ង់ឈ្មោះ Lerzsen ក្នុងឆ្នាំ ២០១៦៕

ប្រែសម្រួល៖ សាង ស្រីល័ក្ខ

ចុចអាន៖អតីតម្ចាស់ក្លឹប Chelsea នឹងត្រូវរឹបអូសទ្រព្យមែនពិត តែមានរបស់មួយប្រណិត ប៉ះពាល់មិនបាន

ចុចអាន៖កូនស្រីអតីតម្ចាស់ក្លឹប Chelsea ថាឲ្យ ពូទីន ចំៗ ក្រោយឪពុកត្រូវរឹបអូសទ្រព្យសម្បត្តិ