KPT+

ប្រវត្តិត្រួសៗ មេទ័ពសំណព្វចិត្ត ពូទីន ដែលទាហាន អ៊ុយក្រែន បាញ់សម្លាប់នៅសមរភូមិ

បានផុស

៣ years មុន

នៅ

ថ្ងៃសុក្រ ៤ មីនា ២០២២

ដោយ

លោក Andrei Sukhovetsky មានអាយុ ៤៧ គឺជាឧត្ដមសេនីយ៍ឯក និងជាមន្ត្រីជាន់ខ្ពស់។ លោកក៏ជាមេបញ្ជាការកងពលធំទ័ពអាកាសទី ៧ របស់រុស្ស៊ី និងជាមេបញ្ជាការរងនៃកងទ័ពអាវុធរួមបញ្ចូលគ្នាទី ៤១ នៅ Novosibirsk ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកកើតនៅក្នុងប្រទេសរុស្ស៊ី ហើយបានបម្រើក្នុងជួរកងទ័ពនៃប្រទេសរបស់ខ្លួន អស់ពេលជាយូរមកហើយ។ លោកគឺជាអ្នកប្រយុទ្ធម្នាក់ ក្នុងចំណោមអ្នកប្រយុទ្ធជាច្រើន ដែលបានចូលរួមក្នុងការឈ្លានពានរបស់រុស្ស៊ីលើអ៊ុយក្រែន។កាលពីថ្មីៗនេះ ឧត្ដមសេនីយ៍ឯករូបនេះ ត្រូវបានតែងតាំងដឹកនាំក្រុមនៅក្នុងជម្លោះ ដែលកំពុងបន្តជាមួយអ៊ុយក្រែន។ ប៉ុន្តែអកុសលនៅថ្ងៃទី ០២ ខែមីនាឆ្នាំ ២០២២ លោកបានស្លាប់នៅសមរភូមិ ខណៈពេលដែលកំពុងអនុវត្តបទបញ្ជា។

យ៉ាងណាមិញ យោងតាម MSN លោក Andrei Sukhovetsky ត្រូវបានគេរាយការណ៍ថា បានស្លាប់នៅក្នុងការវាយលុករបស់កងទ័ព។ លោកត្រូវបានគេកំណត់គោលដៅថា ជាតួអង្គសំខាន់ ដោយមានអ្នកលបបាញ់ នៅខាងក្រៅទីក្រុងកៀវ ។ ដំណឹងមរណភាពរបស់លោក ត្រូវបានប្រកាសដោយ Christo Grozev តាមរយៈ tweet នៅថ្ងៃទី ០៣ ខែមីនា ។ ហើយពិធីបុណ្យសពរបស់ Andrey នឹងត្រូវធ្វើឡើងនៅថ្ងៃទី ០៥ខែ មីនា ។

ព័ត៌មានលម្អិតអំពីប្រពន្ធ Andrey Sukhovetskiy

លោក Andrei Sukhovetsky បានបង្ហាញខ្លួន ជាបុរសមានប្រពន្ធនិងកូន។ ឈ្មោះ និងអត្តសញ្ញាណរបស់ពួកគេត្រូវបានលាក់បាំងពីប្រព័ន្ធផ្សព្វផ្សាយ ដោយសារតែត្រកូលរបស់លោក អាចនឹងមានគេតាមសម្លាប់បន្ត បន្ទាប់ពីដំណឹងនៃការស្លាប់របស់លោក ត្រូវបានប្រកាសជាសាធារណៈ។

ទោះយ៉ាងណា ក្រោយលោកត្រូវបានគេលបសម្លាប់ ក្នុងអំឡុងពេលប្រយុទ្ធគ្នាក្នុងប្រទេសអ៊ុយក្រែន នេះជាអ្វីដែលអ្នកជំនាញនិយាយថា នឹងក្លាយជាការវាយប្រហារដ៏ជូរចត់ សម្រាប់មេដឹកនាំរុស្ស៊ីលោក Vladimir Putin៕

ប្រែសម្រួល៖ សាង ស្រីល័ក្ខ

ចុចអាន៖មេទ័ពកំពូលសំណព្វចិត្តលោក ពូទីន ត្រូវទាហាន អ៊ុយក្រែន បាញ់សម្លាប់