ឆានែល Telegram របស់ Sputnik និង RT ត្រូវអឺរ៉ុបបិទការផ្សាយ

ឆានែល Telegram របស់ទីភ្នាក់ងារសារព័ត៌មាន Sputnik និង RT កំពុងត្រូវបានបិទនៅក្នុងសហភាពអឺរ៉ុប។ នេះបើតាមការចុះផ្សាយដោយ Sputnik នៅថ្ងៃសុក្រ ទី០៤ ខែមីនា ឆ្នាំ២០២២។

ប្រព័ន្ធផ្សព្វផ្សាយសារព័ត៌មាន Sputnik បាននិយាយថា បណ្តាញទូរលេខរបស់ Sputnik Blizhneye Zarubezhye ត្រូវបានបិទទាំងស្រុង នៅក្នុងបណ្ដាប្រទេសសហភាពអឺរ៉ុប ជាពិសេសនៅប្រទេស អាល្លឺម៉ង់ បារាំង និងហូឡង់។ ក្រៅពីឆានែល Sputnik អឺរ៉ុបក៏បានបិទឆានែលប្រព័ន្ធផ្សព្វផ្សាយរបស់ RT ផងដែរ នៅដើមសប្តាហ៍នេះ។

លើសពីនេះទៀត កាលពីថ្ងៃពុធ កន្លងទៅ ក្រុមហ៊ុន Meta ដែលជាក្រុមហ៊ុនធំរបស់ Facebook សម្រេចបិទមាតិកាទាំងអស់របស់ប្រព័ន្ធផ្សព្វផ្សាយព័ត៌មានរុស្ស៊ីគឺ RIA និង Sputnik មិនឲ្យដំណើរការនៅលើផ្លាតហ្វមរបស់ខ្លួនឡើយ។

មិនតែប៉ុណ្ណោះ បណ្តាញ YouTube, Instagram និងគណនី TikTok ដែលភ្ជាប់ទៅនឹងសារព័ត៌មាន Sputnik និង RT ក៏ត្រូវបានបិទនៅទូទាំងទ្វីបអឺរ៉ុបផងដែរ បន្ទាប់ពីការដាក់ទណ្ឌកម្មប្រឆាំងរុស្ស៊ី ជុំវិញប្រតិបត្តិការយោធានៅអ៊ុយក្រែន៕

ប្រែសម្រួល៖ សន្យា

ប្រភព៖ Sputnik

ចុចអាន៖ Facebook បិទប្រព័ន្ធផ្សព្វផ្សាយព័ត៌មានរបស់ រុស្ស៊ី ទាំងអស់