សន្តិសុខសង្គម

ខ្យល់កន្ត្រាក់ដួលរលំបង្គោលភ្លើងចំនួនប្រាំមួយនិងលំនៅឋានមួយចំនួននៅស្រុកអូរជ្រៅ

បានផុស

៣ years មុន

នៅ

ថ្ងៃចន្ទ ៧ មីនា ២០២២

ដោយ

Kang Tola

បន្ទាយមានជ័យ ៖ ដាច់ចរន្តអគ្គិសនីដោយសារគ្រោះធម្មជាតិខ្យល់កន្ត្រាក់ដួលរលំបង្គោលភ្លើងចំនួនប្រាំមួយនិងលំនៅឋានមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះធម្មជាតិដែលបង្កឡើងដោយខ្យល់កន្ត្រាក់លាយឡំនឹងភ្លៀងបានកើតឡើងរសៀលម៉ោង ៥និង៣០នាទី ថ្ងៃទី០៧ ខែមីនា ឆ្នាំ២០២២ ស្ថិតនៅតាមផ្លូវចូល ឃុំសំរោងក្នុងភូមិ ស្រកីដូង ឃុំសំរោង ស្រុកអូរជ្រៅ ខេត្តបន្ទាយមានជ័យ។

តាមប្រជាពលរដ្ឋក្នុងភូមិបានឲ្យដឹងថា ភ្លៀងនិងខ្យល់ខ្លាំងប្រមាណជាមួយម៉ោងបានបណ្ដាលឲ្យបង្គោលភ្លើងចំនួន៦ស្របតាមផ្លូវដែលចែកចាយភ្លើងចូលឃុំសំរោង បានដួលរលំនិងប៉ើងដំបូលផ្ទះចំនួន២ខ្នង បង្គោលភ្លើងស៊ុលឡាបំភ្លឺតាមផ្លូវ ប៉ាណូគណបក្សនយោបាយមួយចំនួនបាក់ដួលនឹងនាំឲ្យដាច់ចរន្តអគ្គិសនីតាំងពីពេលកើតហេតុរហូតមកដល់ម៉ោង៧និង៣០នាទីយប់ ហើយនៅមិនទាន់មានភ្លើងអគ្គិសនីប្រើឡើយ។

ប្រជាពលរដ្ឋបានឲ្យដឹងទៀតថា ហេតុការណ៍នេះមិនបានបង្កឲ្យរងរបួសដល់មនុស្សឡើយទោះបីជាបង្គោលភ្លើងឬខ្សែភ្លើងដួលកាត់ផ្លូវក៏ដោយ។

សូមបញ្ជាក់ថា ប៉ុន្មានថ្ងៃចុងក្រោយនេះគ្រោះធម្មជាតិខ្យល់កន្ត្រាក់បានបង្កឲ្យលំនៅឋានពលរដ្ឋជាច្រើនខ្នងនៅតាមស្រុកមួយចំនួននៃខេត្តបន្ទាយមានជ័យរងគ្រោះបើងដំបូលនឹងរន្ទះបាញ់របួសអ្នកឃ្វាលគោម្នាក់៕

ដោយ ៖ អែប ពៅ