ព័ត៌មានអន្ដរជាតិ

WHO ប្រាប់អ៊ុយក្រែនឲ្យបំផ្លាញភ្នាក់ងារបង្ករោគក្នុងមន្ទីរពិសោធខ្លាចធ្លាយរាលដាល

បានផុស

៣ years មុន

នៅ

ថ្ងៃសុក្រ ១១ មីនា ២០២២

ដោយ

នៅថ្ងៃព្រហស្បតិ៍ ទី១០ ខែមីនា អង្គការសុខភាពពិភពលោក (WHO) បានណែនាំឲ្យប្រទេសអ៊ុយក្រែនបំផ្លាញចោលនូវភ្នាក់ងារបង្ករោគដែលមានការគំរាមកំហែងខ្ពស់នៅក្នុងមន្ទីរពិសោធសុខភាពរបស់ប្រទេសដើម្បីការពារពីការលេចធ្លោដ៏មានសក្តានុពលណាមួយដែលរាលដាលជាជំងឺដល់ប្រជាជន។

ក្រុមអ្នកជំនាញជីវសុវត្ថិភាពបាននិយាយថា បេសកកម្មយោធាចូលប្រទេសអ៊ុយក្រែន និងការទម្លាក់គ្រាប់បែកលើទីក្រុងជាច្រើនបានបង្កើនហានិភ័យនៃលេចធ្លាយនៃមេរោគដែលបង្កឲ្យមានជំងឺ ប្រសិនបើគ្រឿងបរិក្ខាណាមួយត្រូវបានខូចខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចប្រទេសផ្សេងៗជាច្រើនដែរ អ៊ុយក្រែនមានមន្ទីរពិសោធសុខភាពសាធារណៈដែលកំពុងស្រាវជ្រាវពីវិធីកាត់បន្ថយការគំរាមកំហែងនៃជំងឺគ្រោះកាចដែលប៉ះពាល់ដល់មនុស្ស និងសត្វ រាប់ទាំងជំងឺកូវីដ-១៩ផង។ មន្ទីរពិសោធរបស់អ៊ុយក្រែនទទួលបានការគាំទ្រពីសហរដ្ឋអាមេរិក សហភាពអឺរ៉ុប និងអង្គការសុខភាពពិភពលោក។

ក្នុងការឆ្លើយតបសំណួរពីទីភ្នាក់ងារសារព័ត៌មាន Reuters អំពីការងាររបស់ខ្លូនជាមួយអ៊ុយក្រែនទាំងមុនពេល និងក្រោយពេលការវាយប្រហាររបស់រុស្ស៊ី WHO បាននិយាយក្នុងអ៊ីម៉ែលថា ខ្លួនបានសហការជាមួយមន្ទីរពិសោធសុខភាពសាធារណៈអ៊ុយក្រែនជាច្រើនឆ្នាំមកហើយដើម្បីជំរុញការអនុវត្តសុវត្ថិភាពដែលជួយការពារការបញ្ចេញភ្នាក់ងារបង្ករោគដោយចៃដន្យ ឬចេតនា។

អង្គការសុខភាពពិភពលោកដែលជាទីភ្នាក់ងាររបស់អង្គការសហប្រជាជាតិបាននិយាយថា ៖«ពាក់ព័ន្ធនឹងចំណុចនេះ WHO បានណែនាំយ៉ាងខ្លាំងដល់ក្រសួងសុខាភិបាលអ៊ុយក្រែន និងភាគីទទួលខុសត្រូវពាក់ព័ន្ធផ្សេងទៀតឲ្យបំផ្លាញចោលភ្នាក់ងារបង្ករោគដែលគំរាមកំហែងខ្ពស់ដើម្បីការពារការបែកធ្លាយណាមួយដ៏មានសក្តានុពល»។

ទោះបីជាយ៉ាងណា WHO មិនបាននិយាយទេនៅពេលណាដែលខ្លួនបានផ្តល់សេចក្តីណែនាំ ឬផ្តល់ព័ត៌មានលំអិតពីប្រភេទនៃភ្នាក់ងារបង្ករោគនៅក្នុងមន្ទីរពិសោធរបស់អ៊ុយក្រែននោះ។

សមត្ថភាពរបស់មន្ទីរពិសោធរបស់អ៊ុយក្រែនស្ថិតនៅចំកណ្តាលនៃសង្គ្រាមព័ត៌មានកំពុងកើនឡើងចាប់តាំងពីរុស្ស៊ីធ្វើប្រតិបត្តិការយោធាចូលទៅអ៊ុយក្រែនកាលពីពីរសប្តាហ៍មុន៕

ប្រែសម្រួល៖ វីរបុត្រ
ប្រភព៖ Reuters

Related Topics:អង្គការសុខភាពពិភពលោក (WHO)