ព័ត៌មានជាតិ

ក្តៅៗ សម្តេចតេជោ ប្រកាសបើកឲ្យប្រើប្រាស់ផ្លូវក្រោមដីនៅចោមចៅ

បានផុស

៤ years មុន

នៅ

ថ្ងៃចន្ទ ២៦ តុលា ២០២០

ដោយ

សម្តេចតេជោ ហ៊ុន សែន នៅព្រឹកនេះបានប្រកាសដាក់ឲ្យប្រើប្រាស់ផ្លូវក្រោមដីនៅអតីតរង្វង់មូលចោមចៅ ដើម្បីសម្រួលការធ្វើដំណើររបស់ពលរដ្ឋជាបណ្តោះអាសន្ន ក្នុងការដោះស្រាយបញ្ហាកកស្ទះ ដែលកើតឡើងនៅក្នុងតំបន់នោះ។

ការដាក់ឲ្យប្រើប្រាស់ផ្លូវក្រោមដីបណ្តោះអាសន្ន បន្ទាប់ពីក្រុមបច្ចេកទេសទើបតែបញ្ចប់ការអ៊ុតកៅស៊ូបានរួចរាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ពានអាកាស និងផ្លូវក្រោមដីចោមចៅជាគម្រោងរបស់រាជរដ្ឋាភិបាលកម្ពុជាតាមរយៈ រដ្ឋបាលរាជធានីភ្នំពេញដោយទទួលម៉ៅការសាងសង់ដោយក្រុមហ៊ុនវិនិយោគទុនអានិកជនកម្ពុជា (OCIC) ដោយប្រើប្រាស់ការសាងសង់ក្នុងរយៈពេល៣០ ខែនិងចំណាយថវិការសាងសង់ចំនួន២២ លានដុល្លាអាមេរិក។នៅពេលសាងសង់រួចរាល់ ស្ពានអាកាសនិងផ្លូវក្រោមដីនេះត្រូវបានធានាថានឹងអាចប្រើប្រាស់បានរយៈពេល ១០០ ឆ្នាំ។

យោងតាមផែនការមេ ផ្នែកសំខាន់នៃស្ពានអាកាសតភ្ជាប់ពីមហាវិថីសហព័ន្ធរុស្ស៊ីទៅផ្លូវជាតិលេខ ៣ ហើយនឹងមានបណ្តោយ ៤០៨ ម៉ែត្រ និងទទឹង ១៥,៨ ម៉ែត្រ។ ផ្នែកទី ២ ភ្ជាប់មហាវិថីសហព័ន្ធរុស្ស៊ីទៅផ្លូវវេងស្រេង ហើយនឹងមានបណ្តោយ ៤០ ម៉ែត្រ និងទទឹង ៥,២៥ ម៉ែត្រ។ ទី ៣ ភ្ជាប់ផ្លូវវេងស្រេង ទៅផ្លូវជាតិលេខ ៣ ហើយនឹងមានបណ្តោយ ៦០ ម៉ែត្រ និងទទឹង ៥,២៥ ម៉ែត្រ។

ផ្លូវក្រោមដីមួយខ្សែ ភ្ជាប់ពីផ្លូវជាតិលេខ ៤ ទៅមហាវិថីសហព័ន្ធរុស្ស៊ីមានប្រវែង ៤៧០ ម៉ែត្រនិងទទឹង ៨.៥ ម៉ែត្រ។ រង្វង់មូលចោមចៅ នឹងក្លាយជាផ្លូវតភ្ជាប់រវាងរាជធានីភ្នំពេញ និងផ្លូវជាតិលេខ ៣ និង ៤ ដែលជាច្រកចេញចូលសម្រាប់នាំចេញទំនិញកម្ពុជាទៅកាន់ទីផ្សារអន្តរជាតិ។

មន្ទីរសាធារណការ និងដឹកជញ្ជូនរាជធានីភ្នំពេញថាស្ពានអាកាស និងផ្លូវក្រោមដីចោមចៅ បានបញ្ចប់ការសាងសង់រួចរាល់ ៥៥ ភាគរយហើយ៕

អត្ថបទ៖ ដីក្រហម

Related Topics:សម្ដេចតេជោ ហ៊ុន សែន