អាហារ ៦មុខ ម្ចាស់ក្សត្រី អេលីហ្សាបែត មិនសោយទាល់តែសោះ និងសោយជាប្រចាំ

ធម្មតាទេ មនុស្សម្នាក់ៗមានរសនិយមខុសៗគ្នា តាមចំណូលចិត្តរៀងខ្លួន។ ដូចគ្នាដែរ មនុស្សក្នុងខ្សែរាជវង្សអង់គ្លេស ក៏មានអ្វីដែលទ្រង់សព្វព្រះទ័យ និងមិនសព្វព្រះទ័យដែរ។ ជាក់ស្ដែង ម្ចាស់ក្សត្រី អេលីហ្សាបែត ទី២ (Elizabeth II) ដែលកំពុងគ្រង់រាជ្យលើចក្រភពអង់គ្លេស នាពេលបច្ចុប្បន្ន ទ្រង់មានព្រះស្ងោយត្រូវហាមប្រាមដាច់ខាត និងព្រះស្ងោយមួយចំនួន ដែលទ្រង់សព្វព្រះទ័យខ្លាំង។

១. ខ្ទឹមស ត្រូវបានហាមឃាត់

ម្ចាស់ក្សត្រីនៃរាជវង្ស​អង់គ្លេសអង្គនេះ មិន​​សោយ​ខ្ទឹមសនោះ​ទេ។ មូលហេតុដោយសារទ្រង់មិនសព្វព្រះទ័យនឹងក្លិនខ្ទឹមសទាល់តែសោះ។

២. អាហារជាតិម្សៅ ត្រូវហាមប្រាម នៅពេលល្ងាច

អាហារដែលព្រះមហាក្សត្រិយានីត្រូវសោយនាពេលល្ងាច មិនត្រូវជាតិកាបូអ៊ីដ្រាតដូចជា ប៉ាស្តា ដំឡូង និងអង្ករ ជាដាច់ខាត។ ការហាមប្រាមមួយនេះ គឺដើម្បីការពារព្រះសុខភាពរបស់ម្ចាស់ក្សត្រី។

៣.​​ គ្មានទេអាហារប្រអប់

នៅលើតុព្រះស្ងោយរបស់ទ្រង់ ​មិនត្រូវឱ្យមានអាហារយកចេញពី​ប្រអប់ ឬ​ថង់​ប្លាស្ទិក ​នោះទេ។ ដោយសារម្ចាស់ក្សត្រីត្រូវសោយអាហារគ្រប់យ៉ាងនៅលើចានមាសមាស ជាមួយនឹងកាំបិតមាស និងសមមាស។ឪ ដូច្នេះអាហារវេចខ្ចប់គ្រប់យ៉ាងត្រូវហាមឃាត់ដាច់ខាត។

៤. សាំងវិច ត្រីធូណា

នំសាំងវិចគឺជាអាហារសម្រន់ដ៏ពេញនិយមសម្រាប់ម​នុស្សជាច្រើន រួមទាំងព្រះមហាក្សត្រិយានីផងដែរ។ ចំណែករូបមន្តសាំងវិចដែលទ្រង់តែងតែសោយជាប្រចាំ គឺ ត្រីធូណា ទឹកម៉ាយ៉ាណេស ជាមួយនឹងបន្លែត្រសក់។

៥. សោយចេក ឬក្រូច ត្រូវប្រើសម និងកាំបិត

អាហារសម្រន់មួយក្នុងចំណោមអាហារដែលម្ចាស់ក្សត្រី អេលីហ្សាបែត ទី២ សព្វព្រះទ័យ គឺផ្លែឈើស្រស់។ ប៉ុន្តែវាចម្លែកបន្តិច ព្រោះថារាល់ពេលដែលទ្រង់សោយចេក ឬផ្លែក្រូច ម្ចាស់ក្សត្រីអង្គនេះត្រូវប្រើសម និងកាំបិតជានិច្ច។

៦. អាហារសម្រន់សំណព្វរបស់ម្ចាស់ក្សត្រី

ព្រះមហាក្សត្រិយានីសព្វព្រះទ័យនំសូកូឡាខ្លាំងជាងគេ និងបន្ទាប់មកគឺ នំផេនខេក។ រាល់ពេលទ្រង់យាងក្រសាលនៅទីជិតឆ្ងាយ ទ្រង់តែងតែមានអាហារ ២មុខនេះ ដាក់តាមព្រះកាយជារឿយៗ។

តើប្រិយមិត្ត យល់យ៉ាងណាដែរ ចំពោះអាហារប៉ុន្មានមុខនេះ?

ប្រែសម្រួល៖ សន្យា

ចុចអាន៖ វិមានមួយ ចំណាយប្រាក់រាប់លានជួសជុល តែម្ចាស់ក្សត្រី Elizabeth មិនធ្លាប់យាងទៅសូម្បីម្ដង

ចុចអាន៖ ម្ចាស់ក្សត្រី Elizabeth ជាប់តំណែងមួយមិនធ្លាប់មានក្នុងប្រវត្តិសាស្ត្រអង់គ្លេស